Bajerni i frikshëm, Zyle dhe Toliso gol në debutim

eksion everkusenit, “ ” deciziv që në start

Skuadra e kampionëve gjermanë e ka nisur sezonin e ri të Bundesligës me këmbë të mbarë duke triumfuar ndaj kundërshtarëve të Leverkusenit me rezultatin 3-1. Tekniku italian, Karlo Ançeloti, ka menduar të luajë me formacionin 4-2-3-1, ku debutues kanë qenë edhe blerjet e reja, Korentin Toliso, Sebastian Rudi e Niklas Zyle. Gjatë pjesës së parë, dominantë kanë qenë bavarezët, të cilët arritën të zhbllokojnë rezultatin vetëm në minutën e nëntë me anë të Niklas Zyle. Pas një harkimi të përkryer të Sebastian Rudit, Zyle ka arritur të gjejë kuadratin falë një goditjeje me kokë. Skuadra e Leverkusenit gjatë pjesës së parë ka patur shumë pak raste si pasojë e një mbrojtjeje tepër të konsoliduar të kampionëve gjermanë. Vetëm dhjetë minuta pas golit të avantazhit, blerja më e shtrenjtë e historisë së Bundesligës, Korentin Toliso, shënon golin e dytë për bavarezët falë një pasimi brenda zonës së rrezikut nga Vidal. Edhe zëvendësuesi i numrit një dhe kapitenit të Bajernit, Sven Ulraish, ka shfaqur një performancë të përkryer duke e mbrojtur skuadrën e tij nga rreziku i sulmit të kundërshtarëve të Leverkusenit. Drejt fundit të pjesës së parë, në "Allianz Arena" ka nisur shiu, i cili ka bërë të shtyhet për rreth 20 minuta nisja e pjesës së dytë. Në fillimin e gjysmës së dytë të lojës, bavarezët kanë vazhduar të kenë më tepër kontroll të topit se Leverkuseni, duke krijuar disa mundësi tepër të mira për të shënuar. Një prej lojtarëve që i kish munguar skuadrës bavareze prej disa kohësh ka qenë edhe holandezi Arjen Roben, i cili ka shfaqur një performancë tepër të mirë duke u dhuruar shokëve të skuadrës pasime tepër të sakta për të shënuar. Në minutën e 52-të, Aranguiz i Leverkusenit ka bërë një ndërhyrje të parregullt për Levandovskin brenda zonës së rrezikut. Por ky rast ka qenë i diskutueshëm dhe verdiktin e ka marrë moviola elektronike, e cila e ka shpallur të padrejtë ndërhyrjen duke u ofruar bavarezëve goditjen nga 11metërshi, ku Levandovski e dërgon në tre numrin e golave të shënuar. Drejt fundit të lojës, dominanca i ka kaluar Leverkusenit, e cila, me anë të shqiptarit me origjinë zvicerane, Mehmedi, shënon golin e parë për skuadrën e Leverkusenit. Edhe pse në

avantazh, bavarezët kanë arritur të krijojnë raste për të shënuar, por fati nuk ka qenë në anën e tyre. Në këtë sfidë të parë të hapjes së sezonit të ri të Bundesligës, kampionët gjermanë arrijnë triumfin falë blerjeve të reja, të cilat vërtetuan se ia kanë vlejtur.