;yrtarizohet Blez Matuidi, ja shifrat e 9mendura të kontratës
Blez Matuidi është zyrtarisht një futbollist i Juventusit. Masimiliano Alegri i shton kështu një lojtar të rëndësishëm grupit të tij, i cili në Francë, në vitet e fundit, ka fituar 4 kampionate. 5 Superkupa, 4 Kupa Lige dhe 3 Kupa të Francës. Ai është një mesfushor i brendshëm i krahut të majtë, shumë i aftë jo vetëm në shkatërrimin e aksioneve dhe në shpërndarjen e lojës, por di të çajë mjaft mirë edhe mes linjave të mbrojtjes kundërshtare në fazën sulmuese. Pasi kaloi me sukses dopio-vizitat mjekësore që iu nënshtrua, ai firmosi një kontratë deri më 30 qershor 2022, prej 3 milionë eurosh neto në sezon dhe do të mbajë veshur numrin e tij të preferuar, 14-ën.
SHIFRAT DHE FJALËT E PARAPër mesfushorin 30- vjeçar u deshën dy ditë bisedime të tjera mes
PSG-së dhe Juventusit, për të gjetur akordin mbi bonuset. Nëse fillimisht ato ishin menduar minimale, dje rezultati ka qenë krejtësisht tjetër.
Përveç 20 milionëve fillestar të rënë dakord, PSG-ja mund të fitojë gjatë
4 viteve të ardhshme edhe një shumë prej 10.5 milionë eurosh, të cilat lidhen me një numër konkret prezencash në sezon të lojtarit. "Jam krenar që do të vesh këtë fanellë, - ishin fjalët e para të Blez Matuidisë, pas firmës. - Po pres me padurim që të njoh shokët e mi të rinj dhe të vihem në dispozicion të trajnerit Alegri. Juventusi është një klub me një histori unike në Itali, por edhe një klub mjaft ambicioz që kërkon të bëjë historinë edhe në Europë. Këto dy ëndrra i kam dhe unë, prandaj jam i bindur se kam zgjedhur skuadrën e duhur për të vazhduar karrierën time. Këtu kanë luajtur edhe francezë të tjerë të rëndësishëm si Zidan, Deshamp e Platini, prandaj edhe unë shpresoj që të bëj të njëjtën histori dhe të fitoj njësoj si ata".