I mbyllin stërvitjen, revoltohet trajneri i Dinamo Zagrebit
Qëndroi 1 minuta jashtë orarit, por kërkoi më shumë
Pas përfundimit të se ancës stërvitore, tekniku mik Mario Cvitanoviç u pa tepër i nervozuar, teksa po ia shprehte këtë gjë përkthyesit. Pavarësisht se qëndroi afro 15 minuta më shumë sesa një orë, tekniku kroat ka dashur më shumë minuta në dispozicion për të dhënë direktivat e fundit për të besuarit e tij. Sipas tij, në Kroaci iu dha mundësi Skënderbeut të stërvitej sa të donte, ndaj shpresonte që edhe në Shqipëri të ndodhte e njëjta gjë. DE LARATA
Tekniku i kroatëve të Dinamos, Mario Cvitanoviç, nuk e konsideron tragjedi eliminimin, ndonëse skuadra e tij ka ardhur vetëm për të fituar në Elbasan dhe të kalojë më tej. Sipas tij, skuadra duhet të ndryshojë nga ndeshja e parë dhe të luajë më mirë, si edhe nuk preferon të bëjë krahasime me dy sezone më parë kur kroatët eliminuan korçarët. "Më pëlqen stadiumi dhe fusha më duket shumë e mirë, megjithatë përshtypjet do t'i japim më mirë pas trajningut që do bëjmë. Është hera e parë që vij në Shqipëri dhe më pëlqen, duket bukur dhe Shqipëria sa vjen edhe rritet, edhe për sa i përket futbollit. Ne dihet për çfarë kemi ardhur këtu. Emocione nuk kam, e sigurt kjo", u shpreh fillimisht Cvitanoviç.
ÇORIÇ UALIFI IMI - Në lidhje me çështjen "Çoriç" dhe kualifikimin, kroati u shpreh: "Nuk flasim për futbollistë të veçantë, por vetëm për ekipin. E kam thënë edhe në konferencën e parë, ku të dyja ndeshjet nuk mund të krahasohen me njëra-tjetrën. Nuk e konsideroj tragjedi nëse eliminohemi, nuk ka në futboll tragjedi, vetëm në jetë. Sporti është një lojë dhe ne do luajmë, por nuk e konsideroj tragjedi në
futboll. Unë po shoh që ta fitoj ndeshjen nesër (sot)", vijoi më tej Cvitanoviç.
NDRYS IMET - Në lidhje me atë që duhet të ndryshojë nga ndeshja e parë, Cvitanoviç pohoi se skuadra duhet të luajë më mirë për t'u kualifikuar. "Duhet të jemi më të mirë, të luajmë më mirë dhe të fitojmë, në krahasim me ndeshjen e
parë. Në qoftë se luajmë si ndeshjen e parë pastaj, varet se si luan edhe Skënderbeu, por ne kemi ardhur të luajmë futboll. Nuk e kemi marrë lehtë Skënderbeun në ndeshjen e parë, ne kemi luajtur lojën tonë dhe kemi ardhur këtu për të kaluar më tej", e mbylli konferencën për shtyp tekniku i Dinamos së Zagrebit, Mario Cvitanoviç.