Mejuedhër-MekGre&or, duel 1() milionë USD
Për të parë sfidën kushton nga deri në mijë dollarë
Është gjithçka gati për sfidën e vitit, eventi ndoshta më i pritur prej muajsh nga të apasionuarit pas sportiv. Floid Mejuedhër dhe Konor MekGregor do të sfidojnë njëritjetrin në një ndeshje boksi në "T-Mobile Arena" në Nevada, të Las Vegasit, të shtunën, më datë 26 gusht. Kjo do të jetë një betejë e miksuar, mes një prej boksierëve më të fortë të të gjitha kohërave për peshat e mesme dhe yllit të kategorisë "MMA", e thënë ndryshe e arteve marciale mikse. Edhe pse MekGregor nuk ka marrë pjesë kurrë në një sfidë profesioniste të boksit, ai do të pranojë që të ndeshet me rregullat e këtij sporti, në një ring, jo më në një kafaz, ku ai ndihet në abitatin e tij natyral. Për këtë arsye, kjo e bën Mejuedhërin favorit nga bastexhinjtë për fitoren e këtij luftimit, edhe pse më shumë sesa kjo, janë shifrat që mbledh ky duel ato që të mahnisin më tepër se çdo gjë tjetër.
SHIFRA TË MENDURA
Për të parë këtë duel të shumëpritur, unik në histori, të gjithë duhet të zbrazin mirë xhepat e tyre. Për ta parë "live" këtë përballje prej 12 raundesh do të kushtojë nga 500 deri në 40 mijë dollarë, për vendet "VIP" në rreshtin e parë. Por edhe ata që zgjedhin që ta ndjekin nga shtëpia nuk do të kenë mundësi që dikush t'ua ofrojë falas, sepse ky do të jetë një duel për të cilin amerikanët në platformat dixhitale duhet të paguajnë 90 dollarë, ndërsa britanikët duhet të nxjerrin nga xhepat 20 sterlina. Sido që të jetë, sa do që të paguajnë sportdashësit e këtij sporti, në fund ata që do të mbeten gjithsesi të kënaqur, edhe pse me dhimbje në trup, do të jetë dy protagonistët. Sido që të shkojë, Mejuedhër do të ngushëllohet me arkëtimin prej 100 milionë dollarësh, ndërsa MekGregor do të dërgojë në shtëpi 75 milionë dollarë. Këto shifra nuk do të pësojnë variacione në bazë të rezultatit. Me pak fjalë, eventi i 26 gushtit në Las Vegas do të jetë një makinë parash. Mes sponsorësh dhe të drejtave televizive, pritet një arkëtim prej 600 milionë dollarësh, një shifër kjo që kalon ndjeshëm rekordin botëror të vendosur nga dueli i disa muajve më parë mes Mejuedhërit dhe Pakuaios, që grumbulloi 520 milionë dollarë.
KËR ËNON MEKGREGOR
Ndërsa Floid Mejuedhër ka vendosur që të ruajë përqendrimin, duke qëndruar disi në heshtje, këto pak orë që e ndajnë nga dueli, është Konor MekGregor ai që kërcënon ashpër kundërshtarin dhe boksierin
e tij amerikan. "Të jeni të sigurt se ky duel nuk do të zgjasë deri në raundin e 12-të. Për këtë mund të vini bast të gjithë. Të shtunën do ju tregoj se jam një luftëtar dhe një person i veçantë. Do ta shtyp atë. Madje mendoj se do ta fus në gjendje kome që në raundin e parë".