Vllaznia, dramë në frymën e fundit

Kampionet kuqeblu i mbyllin ndeshjet në grup me modestet e Luksemburgut

Futbolli është i pamëshirshëm. Siç të gëzon edhe të hidhëron. Por më e dhimbshme është kur të dënon në frymën e fundit. Nëse në premierën e Ligës së Kampioneve përballë boshnjakeve të Sarajevos ishin shkodranet që do të festonin "in extremis", dje ndodhi e kundërta. Fati ndëshkoi skuadrën e Vllaznisë në futboll për femra në takimin ndaj PAOK-ut i vlefshëm për kualifikueset e Ligës së Kampioneve, të vlefshme për grupin e 10- të. Një gol i pësuar në minutën e 92-të me penallti ka zbehur shanset e shkodraneve për një kualifikim historik pas fitores në ndeshjen e parë ndaj Sarajevos me rezultatin 1-0. Vllaznia "flirtoi" për momentin me barazimin pa gola që do të

shtonte më tej kuotat për kualifikimin e shumëpritur historik. Për të fituar sa më tepër sekonda deri në vërshëllimën e kryesore italiane, trajneri i kampioneve të Shqipërisë, Nikolin Leka, bën një lëvizje të pritshme taktike duke zëvendësuar Paviçeviç për Koldashin. Koha

Nga ndeshja e djeshme

e rregullt përfundoi dhe tashmë do të luhen edhe tre minuta dramaticitet. Pikërisht një minutë nga fundi portierja serbe Gardijan shkakton një faull në dëm të Markout që për Pirriatoren është 11-metërsh. Është Gkatsou ajo që i prish festën kuqebluve. Vllaznia aktualisht ndodhet në vendin e 3-të në kuotën e 3 pikëve ku mbetet edhe një ndeshje për t'u luajtur, ajo ndaj skuadrës modeste të Luksemburgases, Betemburg. Ndërkohë kampionet e Kosovës, Hajvalia kanë pësuar humbjen e dytë radhazi në grupin e 8-të duke i dhënë ëndrrës europiane. Kosovaret u mposhtën me rezultatin e ngushtë po 1-0 nga kampionet kazake të Kazigurt. Golin e fitores e realizoi Gabelia në minutën e 14-të. Në minutat në vazhdim futbollistet e Hajvalisë tentuan në ndryshimin e rezultatit, por pa sukses.