Shpresat thyhen në ‘frymën e fundit’
Bare shkakton penallti në minutën e 9' dhe Donely nuk gabon nga pika e bardhë
Kombëtarja Shpresa nuk ka arritur të dalë me një rezultat pozitiv ndaj ndeshja që ka luajtur në Irlandën e Veriut edhe pse ka qenë shumë afër. Në takimin e vlefshëm për eliminatoret e kampionatit Europian të vitit 2019, skuadra e Bushit ka bërë gjithçka mirë deri në minutën e 94' kur edhe Bare ka shkaktuar 11metërsh, që është kthyer në gol nga Donely. Me këtë rezultat, kuqezinjtë rrezikojnë të humbasin vendin e dytë në grup.
NDESHJA - Pjesa e parë e takimit ka qenë shumë e rivalizuar nga të dyja skuadrat dhe është zhvilluar kryesisht në mesfushë. Të besuarit e trajnerit Bushi janë munduar që të mbajnë larg portës së tyre kundërshtarin dhe ia kanë dalë. Por ata janë munduar të gjejnë edhe golin, duke shfrytëzuar kundërsulmin. Në minutën e 30' Ndoj provon me një goditje nga jashtë zone, por topi nuk është në kuadrat. Ndërsa 10 minuta më vonë, Durmishaj nuk do të shfrytëzojë siç duhet një rast të pastër për gol, duke gabuar para portës së vendasve. Kundërpërgjigjen venda-
sit me Smith që gjuan nga distanca, por nuk është i saktë dhe kjo pjesë mbyllet në barazim pa gola. Fraksioni i dytë i takimit do të jetë fotokopje i të parit, por miqtë do të sulmojnë më shumë. Megjithatë Bushi rrezikon dhe hedh në fushë Abazajn për t'i dhënë pak më shumë ritëm
kundërsulmit. Por goli mungon në një ndeshje ku të dyja skuadrat tregohen shumë të kujdesshme dhe goditjet nga jashtë zone janë zgjidhja e vetme. Gjithçka dukej se do të përfundonte në barazim, por në minutën e katërt dhe të fundit shtesë Bare do të shkaktojë një
ndërhyrje të parregullt ndaj Smith dhe kryesori i takimit akordon 11-metërsh, ndërsa lojtari kuqezi merr kartonin e dytë të verdhë. Donely nga pika e bardhë nuk gabon dhe mposht Selmanin, që deri në këto momente ishte kthyer në një barrierë për sulmuesit kundërshtarë.