Niang firmos me Torinon, Milani përfiton 20 milionë euro
Mbyllet "telenovela", francezi gjen sërish trajnerin Mihajloviç
Mbaje Niang ka përshëndetur Milanin: prej ditës së djeshme është zyrtarisht një lojtar i Torinos. Sulmi i fundit i Mihajloviç në ditën e mbylljes së merkatos, me francezin që më në fund do të veshë fanellën e shumë dëshiruar të ekipit "Granata". Marrëveshja është e mbyllur me shkëmbimin e dokumenteve mes dy klubeve. Një tratativë që kushtoi 20 milionë euro në total, mes bazës së çmimit të lojtarit plus bonuseve të përfshira në kontratë. Një sforco e bërë nga presidenti i Torinos, Urbano Kairo, i cili për të plotësuar kështu dëshirën e trajnerit të tij ka arritur akordin me Fasonen dhe Mirabelin ( drejtuesit e merkatos së kuqezinjve). Zyrtarizimi i transferimit të lojtarit është bërë dje në orën 17:45.
MBYLLET "TELENOVELA" - Merr fund kështu telenovela dhe të gjithë kanë dalë të lumtur. Përpara të gjithëve Niangu, i cili dëshironte me çdo kusht të qëndronte në Itali dhe gjen sërish Sinisa Mihajloviçin, trajnerin me të cilin është gjetur shumë mirë kur ky i fundit stërviste Milanin. U refuzua përfundimisht oferta e Spartakut të Moskës dhe francezi arriti qëllimin e tij. Tashmë Miha do të ketë në dispozicion një sulm "të frikshëm", me Belotin, Iago Falken, Ljajiçin dhe në fund Niangun. Të lumtur edhe në selinë e klubit kuqezi: Fasone e Mirabeli nuk kanë
bërë asnjë lëshim dhe në fund kanë arkëtuar 20 milionë euro. FJALËT E PARA - "Jam i lumtur që tashmë ndodhem te Torino, është realizuar ajo që shpresoja, falënderoj të gjithë për këtë. Kërkova me çdo kusht që të vishja këtë fanellë sepse e ndiej që të gjithë kanë besim tek unë dhe kjo është shumë e
rëndësishme. Fundja nuk është një sekret, me Mihajloviçin kam një raport të shkëlqyer. Pres që të paraqitemi mirë në kampionat po ashtu edhe në Kupën e Italisë, objektivi është të arrij sa më lart me këtë fanellë", kanë qenë fjalët e para të Niangut për faqen zyrtare të Torinos.