Tirana bën dy goditje, Doka drejt Korçës
Presidenti: Po bisedojmë, mos prisni më surpriza
Tirana nuk përmbahet në merkato. Ashtu sikundër ishte paralajmëruar, blerjet e reja vijnë nga Afrika. Prej një jave kishin regjistruar në sistem jo pak, por tre lojtarë, ndonëse dje zyrtarizuan vetëm...
Skënderbeu nuk heq dorë nga Albi Doka. Edhe pse e enjtja u shoqërua me një refuzim të ndërsjellë, bisedimet vazhdojnë. Madje, shanset që lojtari të transferohet te bardhekuqtë sa vijnë edhe shtohen. Dhe një gjë të tillë e konfirmon për "Panorama Sport" vetë Ardjan Takaj. Presidenti nuk jep detaje, megjithatë saktëson se po negociojnë për transferimin e mbrojtësit të linjës së djathtë. "Jemi duke biseduar akoma. Nuk ka ende asgjë konkrete që të jemi korrekt", u shpreh fillimisht presidenti. Tirana është e vendosur që të mos e lëshojë pa arkëtuar 150 mijë euro nga shitja e tij. Këtë kërkesë korçarët e kanë pranuar, por me kusht që si fillim të paguanin 75 mijë euro dhe pjesën tjetër ta shlyenin në mbyllje të sezonit ose më vonë. I pyetur për shifrat që ka klubi në plan të hedhë për të fituar shërbimet e tij, ai konfirmon vetëm se janë ato që kanë qarkulluar edhe në mediat. "Po, por po bisedojmë. Megjithatë, më shumë detaje nuk mund të jap, pasi personalisht kam qenë i përqendruar te prurjet e reja. Do të ishte e tepërt nëse do thosha më shumë", theksoi
Takaj. Mbrëmja e së enjtes u shoqërua me surpriza në merkato, ndërsa u zyrtarizuan radhazi dy. Por a do të ketë më afrime, duke qenë se tregu i shit-blerjeve mbyllet më 6 shtator, numri një i klubit thotë: "Jo, nuk do të ketë më surpriza. Ose e thënë ndryshe, nuk kemi më vende".