Brazili në Botëror, del huq Argjentina
Përfaqësuesja e Tites ruan formë të shkëlqyer, mposht Ekuadorin në pjesën e dytë
Përfaqësuesja brazil iane vazhdon të shfaqë një formë të shkëlqyer në prag të Botërorit, ndërsa mposht edhe Ekuadorin që zbret kështu në fund të tabelës në grupin e Amerikës së Jugut. Golat e shënuar në pjesën e dytë nga Paulinjo dhe Felipe Kutinjo (i cili shkëlqeu pasi u aktivizua nga stoli) mjaftuan për t'i sjellë fitoren trajnerit Tite. "Seleçao" dominoi përgjatë 90 minutave dhe pati raste për të shënuar dy-tre gola më shumë, po të mos kishte qenë për disa raste të shpërdoruara përpara portës dhe pritjeve të portierit të Ekuadorit, Maksimo Banguera. EKUADORI PA RITËM
Paulinjo dhe Uillian shpërdoruan dy raste të pastra që në momentet e para të takimit për kombëtaren braziliane, ndërsa Kutinjo u aktivizua nga stoli, pavarësisht ofertës së çmendur të Barcelonës për të marrë shërbimet e tij. Ekuadori, në krahun tjetër, nuk arriti kurrë të ndjekë kurrë ritmin e lojës. Megjithatë, skuadra shkoi në dhomat e zhveshjes pa pësuar gol. Tite vendos të hedhë në fushë Kutinjon kur kishin mbetur 30 minuta nga përfundimi i takimit dhe aktivimi i mesfushorit të Liverpulit sjell edhe golat e Brazilit. Fillimisht me Paulinjon, i cili me një goditje të fuqishme dërgon topin pas krahëve të Bangueras. Tetë minuta më vonë do të vijë edhe goli i dytë:
Kutinjo driblon një pjesë të mbrojtësve të Ekuadorit dhe pason për Gabriel Zhezusin, i cili e shërben sërish në zonë nuk gaboi përpara portës. Një ndërhyrje e rrezikshme nga Fidel Martinez në dëm të Nejmarit "tërboi" brazilianët, por gjyqtari Mario Diaz de
Viviar gjykoi si të mjaftueshëm vetëm një karton të verdhë për ekuadorianin. "SELEÇAO" RUAN KREUN
Brazili vazhdon të mbajë avantazhin prej 11 pikësh në krye të klasifikimit ndaj Kolumbisë, konkurrentes më të afërt, me vetëm tri ndeshje
të mbetura nga faza kualifikuese. Ekuadori, ndërkohë, është ende në garë për të shkuar në Rusi pavarësisht humbjes. Diferenca me një vend në fazën e ardhshme (ku aktualisht ndodhet Kili, i mposhtur nga Paraguai) është prej tri pikësh.