Partizani, merkato me kosto... zero
" emat" nuk kanë shpenzuar për kartonët, por rrogat janë të larta, spikat Edgar ani
Partizani i epokës "Moxhi" ka nisur me ndryshime rrënjësore, proces i cili e ka zanafillën pas eliminimit të "demave" nga Liga e Europës, më 6 korrik. Për Europën të kuqtë bënë vetëm tri afrime, pikërisht dy ish- lojtarë të Teutës, Blerim Kotobelli dhe Gerhard Progni, si dhe kamerunasi Mustafa Enok Xhixhiua. Me përcaktimin e stafit të ri teknik, me në krye ish- mbrojtësin e Juventusit dhe Kombëtares së Italisë, Mark Iuliano, vërshuan edhe prurjet, të cilat kanë qenë të gjitha nga tregu i huaj. Nga 14 përforcimet e kryera nga Partizani në këtë merkato (mbetet të zyrtarizohet brazil-
iani i rekomanduar nga Bebeto, Uarlej Gleison dos Santos Alvesh), mbizotërojnë prurjet nga tregu italian, treg i cili njihet mirë nga drejtuesit e rinj të skuadrës. Ndonëse afrimet kanë qenë voluminoze, siç ndodh zakonisht në futbollin shqiptar, Partizani nuk ka shpenzuar asnjë qindarkë për të siguruar kartonët e futbollistëve të afruar. Përveç hungarezit Kristjan Adorian, që ka ardhur në formë huazimi, pjesa tjetër e futbollistëve thuhet se ka ardhur falas te "demat". Te këto prurje bën pjesë edhe sulmuesi i Kombëtares së Shqipërisë, Edgar Çani, i cili ka firmosur kontratë dyvjeçare me kryeqytetasit. Nëse të kuqtë janë treguar të zgjuar në afrime, duke përforcuar grupin me një kosto zero, shpenzimet që do t'i përndjekin gjatë sezonit të ri, parashikohet të jenë më të mëdhatë në Kategorinë Superiore. Rrogat e lojtarëve të afruar kërkojnë një buxhet të madh, pasi me Edgar Çanin të kuqtë kanë vendosur një rekord të pakonceptuar më parë. Sulmuesi 28-vjeçar thuhet se përfiton një rrogë rreth 20 mijë euro në muaj, çka tregon se investimi i presidentit Demi dhe bashkëpunëtorëve të tij është i madh, në funksion të fitimit të titullit kampion, trofe i cili mungon që nga viti 1993. Afrimet e kryera mendohet se do t'i shërbejnë klubit për të tashmen, por edhe për të ardhmen, pasi janë afruar disa elementë të rinj dhe të perspektivës, nga promovimi i të cilëve Partizani mund të përfitojë edhe financiarisht duke i bërë gati për tregun e huaj.