"Perisiç si blerje, në janar do tentojmë për një mbrojtës"
Pak mediatik, por funksional për projektin që po merr nismë. Kështu e ka gjykuar drejtori sportiv i Interit, Piero Auzilio, merkaton e klubit zikaltër, pasi tashmë bisedimet janë mbyllur. I ndalur nga gazetarët italianë, për mikrofonat e "Sky Sports", Auzilio ka listuar listën e tij të notave për blerjet, duke i shtyrë gjykimet për fundin e kampionatit: "Bilancin e bëjmë në fund. Jemi të bindur se kemi arritur të marrim lojtarët më të dobishëm për projektin tonë. E kishim të ditur që disa marrëveshje duheshin kryer patjetër, synojmë edhe te të rinjtë që duan të tregojnë vlerat e tyre". PËRFORCIME FUNKSIONALE - "Ranokia meriton më shumë", Auzilio ka lënë vend edhe për një batutë në lidhje me Andrea Ranokian, shumë shpesh jo i trajtuar mirë nga tifozët zikaltër: "Nuk dëshironim të bënim asgjë për të cilën nuk ishim të bindur, disa prej objektivëve nuk ishin të arritshëm. Synojmë te Ranokia, meriton më shumë konsideratë se ajo që ka marrë. Të penduar? Aspak, mendojmë se kemi arritur të bëjmë lëvizjet e duhura. Jo për mediat, por funksionale për skuadrën".
PERISIÇ SI BLERJE - "Perisiç është si një blerje", është shprehur me krenari dhe konsideratë drejtuesi sportiv kundrejt mesfushorit kroat, i kërkuar gjatë nga Mançester Junajtid dhe Zhoze Murinjo, por në fund i bindur për projektin e Luçiano Spaletit: "Arritëm ta mbajmë dhe kjo është si një blerje". Kërkuam Mustafin për mbrojtjen, por kërkesat e tij dhe të klubit ishin shumë të larta. Do vazhdojmë kërkimin në janar".