Superstart, Interi kërkon pesë fitore radhazi për rekord

Spaleti ëndërron të shkojë në derbi me pikë të plota

Interi dhe Spaleti kanë një objektiv ambicioz që, siç ka nënvizuar "Corriere dello Sport", mund të jetë mrekullia e fillimsezonit: arritja me pikë të plota, ndoshta edhe në krye të klasifikimit, në derbin me Milanin, 15 tetorin që vjen. Futboll apo fantashkencë? Vetëm dy muaj më parë, përgjigjja më e kuptueshme do të kishte qenë e dyta, por tani, pas një vere intensive pune me metodën e Spaletit, tifozëria zikaltër mund të ëndërrojë nisjen më të mirë në historinë e klubit. Edhe pse, pasi ka mposhtur kundërshtarë me koeficient të lartë vështirësie, që këtej e tutje kalendari është kthyer disi në favor.

MERITAT E LUÇIANOS - Në maj skuadrën zikaltër, e ardhur nga një sezon zhgënjyes, dukej se e priste një revolucion i thellë, por për shkak edhe të limitimit të investimeve me qëllim respektimin e rregullave të "fair play financiar" të UEFA-s, drejtuesit i kanë dorëzuar Spaletit një skuadër që me disa përmirësime, por me strukturën e njëjtë të grupit të sezonit 2016- 2017. Pjesën tjetër e ka bërë ish- trajneri i Romës, i cili ka bërë të "rilindin" lojtarë që ishin në krizë dhe është bërë protagonist të një prej paraqitjeve më të mira në nivel rezultatesh.

SHIFRAT - Që prej momentit që ka nisur të stërvitë, Spaleti ka

fituar në dy ndeshjet e para të kampionatit vetëm në sezonin 2006- 2007, me Romën, dhe në sezonin 2007- 2008, sërish me verdhekuqtë. Në rastin e fundit, sukseset radhazi ishin 3 ( me Palermon, Sienën dhe Rexhinën), përpara barazimit me Juventusin. Ndërsa gjatë eksperiencës së tij me Zenitin, Spaleti

kishte fituar dy ndeshjet e para në sezonin 2011-2012 dhe katër të parat në sezonin 2012- 2013. Këtë vit, në saje të kalendarit, ka shansin të përmirësojë rekordin. Të dielën në "San Siro" do të vijë si kundërshtar Spali ( në stadium priten të jenë 60 mijë tifozë), më pas janë në program transfertat me Krotonen dhe

Bolonjën, sfida në shtëpi me Xhenoan dhe ndeshja me Beneventon. Në letër duken takime të fituara, me mundësinë për të zgjatur serinë e fitoreve radhazi në 7. Në histori, Interi ka një rekord prej 7 suksesesh rresht të vendosur në sezonin 19661967, ndërsa Mançini ishte ndalur në 5 ( 2015- 2016).