Shkëlqen Ronaldo, Reali dhe Siti s’falin
Totenhemi leksion Dortmundit, Beshiktashi surprizë
Shumë gola, por edhe surpriza në mbrëmjen e dytë të Ligës së Kampionëve. Ronaldo udhëheq Realin drejt triumfit, ndërsa Siti shëtit në Holandë. Napoli i Hysajt surprizohet në Ukrainë nga Shahtjori, por befasia e mbrëmjes ishte Beshiktashi që mposhti Porton në shtëpi.
KTHEHET RONALDO - Me Ronaldon në fushën e lojës, Reali i Madridit është një tjetër "muzikë", por sigurisht që ndaj APOEL-it nuk falej asnjë rezultat tjetër. Në kompeticionin e tyre, ku dinë të bëjnë vetëm fitore, ajo e djeshmja ishte thjesht një detyrë... Portugezi shënon dy gola, njërin prej tyre me 11metërsh duke u bërë lojtari me më shumë penallti të realizuara në Ligën e Kampionëve. U mendua se pjesa e parë do të ishte më e lehtë, por madrilenët shënuan vetëm 1 gol me anë të Ronaldos. APOEL-i mbrohej mirë dhe u mundua të kërcënonte me kundërsulme, ndërsa Navas u bë shpëtimtar në disa goditje radhazi. Goli i tretë ishte spektakolar dhe mban firmën e kapitenit Serxho Ramos. Koordinim perfekt dhe një roveshatë brenda zonës, e cila shndërrohet në gol. Shpërthen në festë stadiumi "Santiago Bernabeu" që rigjen buzëqeshjen pas vuajtjeve në fundjavë pas barazimit në kampionat.
TOTENHEMI S'FALMbrojtje e hekurt dhe kundërsulme vrasëse. Kjo ishte strategjia e ndjekur nga Totenhemi. Ekipi i Poçetinos duhet të falënderojë portierin Burki, i cili, në dy rastet e pjesës së parë, pëson dy gola nga krahu i tij dhe i bën dhurata Totenhemit. Të parin e shënon Son, ndërsa Jarmolenko barazon përkohësisht rezultatin. Mirëpo, Kejn kalon sërish në avantazh ekipin e Totenhemit që duket në një mbrëmje të mirë dhe po e dominonte fizikisht kundërshtarin. Sulmuesi anglez nuk ndalet sepse me fillimin e pjesës së dytë shënon golin e tretë me një goditje nga e majta duke vulosur përfundimisht rezultatin në shifrat 31. Dortmundi bëri përpjekje dhe gjeti rrjetën me Aubamejang, por ishte në pozicion jashtë loje. Ky rezultat e komplikon ecurinë e gjermanëve për kualifikimin në fazën e ardhshme
të Ligës së Kampionëve, duke qenë se vendi i dytë do të diskutohet mes tyre.
BARAZIME - Nuk ka asnjë ekip fitues në grupin E, ku Liverpuli dhe Sevija janë ndarë në barazim 2-2 dhe Maribori i Ahmedit me Spartakun e Moskës në barazim 1-1. Në "Anfield" ndodh gjithçka. Sevija shënon e para me Ben Jeder, ndërsa më vonë Firminjo dhe Salah përmbysin rezultatin. Sulmuesi brazilian kishte shansin e artë për t'i dërguar shifrat në 3-1, por gaboi penalltinë, e cila i dha më shumë shpresë Sevijes. Spanjollët gjejnë barazimin 20 minuta nga fundi me anë të Korreas dhe rezultati nuk ndryshon. Ndajnë nga një pikë Maribori dhe Spartaku i Moskës. Rusët kalojnë të parët në avantazh, por nuk e mbajnë dot epërsinë.
SITI SHËTIT - Nuk ka histori në Holandë. Fejnordi pëson humbjen më të thellë në Europë dhe këtë ia shkakton "banda" e Guardiolës. Tre gola i shënojnë që në pjesën e parë me Stons, Aguero dhe Zhezus, ndërsa mbrojtësi gjen edhe golin e dytë personal në fraksionin e dytë të ndeshjes. Në këtë grup, Napoli surprizohet në Ukrainë duke humbur me rezultatin 2-1.
SURPRIZA - Surpriza e mbrëmjes ishte Beshiktashi, i cili arriti të fitonte në Portugali përballë Portos. Investimet e shumta që janë bërë në skuadër i dhanë frytet e veta shumë shpejt dhe turqit morën një rezultat fantastik 13 në transfertë. Lajpcigu debutues në këtë kompeticion nuk shkoi dot më shumë sesa një barazim 1-1 me Monakon.