Nuk ka prova, bie akuza mbi atletët rusë

as kaosit, polemikave, përfshirjes së politikës dhe me qëndrimet e Putinit dhe Mutkos, pas përjashtimit nga Botërori, Paraolimpiada dhe nga gjithçka tjetër... Pas akuzave të rënda për një skandal që u quajt “dopingu i shtetit”... Pas të gjitha këtyre, Rusia del e pastër. Po. Është e vërtetë. Sepse Agjencia Botërore e Antidopingut ka vendosur që të shpallë të pafajshëm dhe të heqë akuzat për 95 atletë nga 96 të tillë për dopingun. Sipas “New York Times”, kjo agjenci nuk ka prova të mjaftueshme për t’i shpallur fajtorë sportistët. “Provat që zotërohen nuk janë të mjaftueshme për të zyrtarizuar apo për të vërtetuar përdorimin e substancave të palejueshme nga ana e këtyre 95 atletëve”, shkruan drejtori i agjencisë Oliver Nigli. S’KA PROVA

Agjencia botërore e antidopingut u dorëzua dhe ngriti duart përballë një sistemi të mbrojtur mjaft mirë. Riçard Meklaren, investiguesi që kaloi shumë kohë me këtë çështje dhe që analizoi shumë skemat e sistemit rus, identiÞ koi afro mijëra atletë, ka dhënë indicie që janë shumë të vështira për t’u vërtetuar të gjitha këto akuza, sepse Moska ka shkatërruar të gjithë kampionët e urinës, të cilët mund të shërbenin si provë. Mirëpo, në fakt, as “WADA” nuk duket se ka qenë e interesuar për t’i shkuar deri në fund kësaj çështjeje dhe nuk bëri kërkime në të gjitha pistat. Për shembull, asnjëri nuk ka marrë në pyetje Grigori Rodçenkov, ish- drejtorin e laboratorit antidoping në Rusi, i cili aktualisht jeton i mbrojtur në Shtetet e Bashkuara të Amerikës.