“S’e besonim përmbysjen, vërshëllimat na motivuan”
“Kundërshtari ra fizikisht dhe la hapësira që ta ndëshkonim”
Aktivizimi i sulmues it Xhunior Moraesh në fillimin e pjesës së dytë të ndeshjes ndryshoi plotësisht fatin e takimit mes Dinamos së Kievit dhe Skënderbeut. Me dy sulmues të deklaruar, ukrainasit u treguan më të rrezikshëm dhe më cinikë, duke përfituar nga çdo gabim i korçarëve për të marrë një fitore 3-1 me përmbysje. "Ne arritëm fitoren dhe ndihem mirë për një gjë të tillë, madje jam i lumtur që e siguruam këtë rezultat të thellë. Pjesa e parë? Nuk jemi edhe aq të mirë kur fillojmë ndeshjen, por pastaj në pushim trajneri na tregoi disa gjëra që duhej të rregullonim dhe pjesa e dytë ishte shumë më pozitive, pasi arritëm të kthenim gjithçka në favorin tonë", tha Morash, autor i golit të dytë për Dinamon. "Me dy sulmues ne kishim shumë mundësi
Dekori i ultrasve vendas shënimi, kishte edhe shumë dyluftime. Mund të them se jemi të kënaqur me pjesën e dytë të ndeshjes. Sigurisht që më pëlqen të luajmë me dy sulmues, kemi më shumë mundësi lëvizjeje dhe të luajmë në sulm", tha ai duke falënderuar tifozët për mbështetjen që i kanë dhënë dje, duke qenë të shumtë në shkallët e stadiumit.
BULJASKI - Mesfushori i Dinamos, Vitali Buljaski, është shprehur se ishin pikërisht vërshëllimat e tifozëve në përfundim të pjesës së parë, ato që e kanë prekur më shumë. "Në pjesën e parë kemi pasur momente të mira në lojën tonë, por kundërshtari na ndëshkoi dhe shkuam në dhoma me humbje. Kur po largoheshim nga fusha, tifozët na kanë vërshëllyer dhe kjo ishte ajo që na ka dhembur më shumë. Kështu, në fraksionin e dytë të
Një tifoz shqiptar sfidon 25 mijë ukrainas
takimit jemi përpjekur më shumë dhe nuk e kam pritur që të ndodhte përmbysja e madhe dhe ne ta fitonim ndeshjen", ka thënë lojtari, i cili flet edhe për vështirësitë që kanë hasur në lojën korçare. "Skënderbeu mbrohej mirë dhe në pjesën e parë ishte shumë e
vështirë që të gjeje hapësira. Një gjë e tillë nuk ndodhi në të dytën dhe mendoj se kundërshtari ishte pak i lodhur. Por, nëse ata fizikisht do të ishin në formë, do ta kishim të vështirë që të fitonim, pasi ata do të luanin njësoj si në pjesën e parë", ka mbyllur Buljaski.
Sidorçuk feston golin e barazimit me tifozët