“Lojë fëmijësh” te Tomori

Futbollistët aplikojnë lojëra të fëmijërisë, Dule: Pres fitoren e parë

Tomori dëshiron që ta nisë në mënyrën më të mirë kampionatin duke fituar në sfidën e parë ndaj Pogradecit. Këta të fundit janë duke kaluar një moment mjaft pozitiv, teksa, nga ana tjetër, beratasit dëshirojnë padiskutimisht tri pikët për ta nisur kampionatin në krye të klasifikimit. Atmosfera në grupin e futbollistëve ka qenë mjaft e ngrohtë dhe për t'u vlerësuar. Në fillim të seancës stërvitore, trajneri Santiliano Dule ka zhvilluar një lojë tepër argëtuese me të tijtë, duke iu rikthyer kohën e fëmijërisë me lojën "ta lashë". Ky argëtim ka zgjatur për gati 10

MBROJTËSI minuta, teksa më pas skuadra iu është nënshtruar goditjeve standarde, skemave dhe mënyrës së vendosjes në fushën e blertë. Beratasit janë stërvitur me intensitet përgjatë gjithë javës, teksa rezultati i ndeshjes do të tregojë edhe punën e bërë. TRAJNERI

Në një prononcim për "Panorama Sport", tekniku Santiliano Dule është shprehur: "Sigurisht që gjendja e skuadrës është optimale përpara kësaj sfide të rëndësishme, ku e vetmja gjë që pres është fitorja. E njoh mjaft

BLUTË mirë skuadrën e tyre dhe kanë lojtarë cilësorë që për vite me radhë luajnë me njëri-tjetrin. Kam kërkuar nga lojtarët maksimumin në këtë sfidë, pasi një humbje ose barazim do të na klasifikonte në grupin e të dështuarve. Ndonëse kjo është ndeshja e parë, një fjalë e urtë popullore thotë që fillimi i mbarë është gjysma e punës. Ndaj, nuk shoh asnjë rrugë tjetër veç fitores në këtë takim. Klubi i ka përmbushur të gjitha kushtet dhe detyrimet ndaj këtij grupi, çka dua të them që nuk ka vend për pakënaqësira. Kalendari është totalisht në favorin tonë dhe si të tillë duhet ta shfrytëzojmë me sukses këtë mundësi që na është dhënë", është shprehur trajneri Dule.