Një Apoloni e rinovuar, nuk ka alibi ndaj Shënkollit
Kashami: Jam i bindur për fitoren në këtë sfidë
Apolonia u ka dhënë fund ditën e djeshme përgatitjeve për ndeshjen startuese të kampionatit të ri që do të luajë sot ndaj Shënkollit. Ekipi i drejtuar nga trajneri Ndriçim Kashami ka bërë një fazë përgatitore të mirë e me profesionalitetin e duhur. Në një prononcim për gazetën, trajneri Kashami shprehet: "Gjatë kësaj jave kemi bërë një stërvitje të profilizuar në funksion të stilit të lojës që zhvillon kundërshtari, por edhe të përcaktimit të lojtarëve që do të aktivizojmë në këtë ndeshje. Pozitive për mua si trajner është se të gjithë lojtarët i kam në dispozicion, ndaj dhe mua më bie barra kryesore për të formatuar një formacion fitues. Që në momentin e parë kur mora përsipër drejtimin e Apolonisë, isha i qartë për objektivat dhe mundësitë reale që ka kjo skuadër. Me lojtarët që kam në dispozicion ku janë gërshetuar dhe harmonizuar ata me përvojë me ata që kanë vite që luajnë për fanellën bardhejeshile, do të kërkojmë më të mirën në kampionat. Me lojtarët që kam në dispozicion gjatë periudhës Në portë: Çako;
Në mbrojtje: Braka, Broshka, Kuçi, Sota;
Në mesfushë: Troka, Llambi, Hysenshahaj, Prifti;
Në sulm: Dimo, Krasniqi; Trajner: N.Kashami; Skema: 4-4-2;
së fazës përgatitore kam punuar në të gjitha aspektet. Nuk do të jetë një sfidë e lehtë siç duket në pamje të parë. Por, ne jo vetëm shpresojmë, por jemi të bindur se debutimi im zyrtar në pankinën e Apolonisë do të jetë me fitore dhe marrjen e tri pikëve të para", përfundoi Kashami. Mikel Mbriçaj