Strategjia, 5 faulle me... skemë
Koha e gjatë që ka pasur në dispozicion skuadra e Vllaznisë dhe trajneri Cungu për të përgatitur ndeshjen me Flamurtarin kishte sjellë edhe një risi për Superioren. Trajneri i shkodranëve kishte udhëzuar skuadrën e tij që të tentonte të befasonte kundërshtarin me skema të ndryshme nga goditjet e dënimit dhe nga 6 të tilla, 5 u ekzekutuan me skemë. Megjithatë, Flamurtari arriti t'ia dilte, sepse asnjëra prej tyre nuk u krye në perfeksion. Vetëm një herë Gilman Lika tentoi portën nga larg dhe ajo goditje u ndal nga portieri Nurkoviç. Shumë vështirë që skemat të rezultojnë efikase në ndeshje, ashtu si në stërvitje.