Tushe: Investuam 90 mln për stadiumin

Kryetari i Bashkisë së Lushnjës, Fatos Tushe, njëherësh president i klubit verdhëjeshil, flet për stadiumin e rikonstruktuar dhe punimet që janë kryer në "Roza Haxhiu": "Kemi bërë një investim prej 9 milionë lekësh ( të rinj) për të bërë të mundur që në stadiumin e Lushnjës të luhen ndeshjet e Kategorisë Superiore. I kemi dhënë mundësinë skuadrës, e cila luan në elitën e futbollit shqiptar, që të ketë ambiente të kohës, përfshi dhe fushën me tapet të ri. Na duhet më shumë punë për t'i bërë një rikonstruksion të plotë stadiumit të Lushnjës", tha kryebashkiaku Tushe. Kreu i bashkisë ka bërë me dije se pritet që impianti të përfshihet në një rikonstruksion të plotë.