Daja: S'dua ta mendoj që nënvlerësuam

Trajneri i Skënderbeut, Ilir Daja, ka pranuar faktin se sulmi ende nuk po gjen formën e tij më të mirë. "Duhet të jemi më efikasë para portës, sidomos me ekipe që vijnë në Korçë të mbrohen. Por sot ( dje) më shumë më shqetësoi fakti se me këtë lloj kontingjenti lojtarësh nuk duhet të humbim logjikën e lojës, edhe kur pësojmë ndonjëherë gol, sepse i bëjmë dëm vetes. Natyrisht që sulmuesit maten me gola apo asiste, por rëndësi ka që sulmuesit tanë janë aty para portës. Gjithsesi duhet të punojmë më shumë për pjesën e finalizimit. Pjesa e ndërprerjes së kampionatit na shërbeu të rikthehemi me më shumë energji, por sot pamë që nuk kemi ende ritmin e duhur, të cilin do ta kërkojmë që ndeshjen tjetër me Lushnjën", tha Daja për "SuperSport". Ai ka folur edhe për një nënvlerësim të ekipeve që konsiderohen të vogla. "Mund të jetë edhe kjo, edhe pse nuk dëshiroj ta pranoj se lojtarët e mi nuk i vlerësojnë kundërshtarët njësoj", ka mbyllur Daja.