Grumbullimi në Elbasan

Tirana do të mbyllë sot përgatitjet anti-Shkumbin. Bardheblutë do të zhvillojnë një seancë 90-minutëshe dhe, më pas, pritet që të marrin rrugën drejt Elbasanit, atje ku do të kalojnë natën para kësaj transferte. Pas 3 fitoreve radhazi, qëllimi i të besuarve të Ze Marias mbetet "marshimi". Edhe pse terreni është disi i rënduar, trajneri u ka kërkuar lojtarëve që të japin maksimumin dhe të jenë të përqendruar për të kaluar me sukses edhe javën e 4-t të kampionatit.