Ceferin thërret Figon si këshilltar
Nis një aventurë e re profesionale për Luis Figon. Ish-kampion me Barcelonën, Realin e Madridit dhe Interin do vërë bagazhin e eksperiencës së tij në shërbim të Uefa-s: është emëruar këshilltar dhe do punojë në kontakt të vazhdueshëm me presidentin Aleksander Ceferin dhe Divizionin e Futbollit. Portugezi do punojë me aspektet e ndryshme teknike, përfshi risitë e rregullores dhe do jetë një figurë bazë për sa i përket programit të ambasadorëve Uefa: "Kam pasur fatin të bëj shumë eksperienca, do jetë një privilegj të punoj për Uefa-n", tha Figo, entuziast për karrierën e tij të re si drejtues sportiv. Mes kolegëve të tij do jetë edhe ish-shoku i skuadrës tek Interi, Dejan Stankoviç.