Bentakur: Muskuj e markim, Juventusi po më “robotizon”

Talenti uruguaian rrëfen eksperiencën në muajt e parë si bardhezi

Rodrigo Bentancur është një nga surprizat më të bukura të sezonit të ri për Juventusin. Mesfushori uruguaian është marrë në pyetje nga "Sport 890", ku ka rrëfyer muajt e parë me fanellën e Juventusit: "Kam përmirësuar kohët e rikuperimit dhe dalëngadalë po përmirësohem edhe në lojë. Më ka ndihmuar shumë mënyra se si po markoj kundërshtarin. Që kur ndodhem në Torino, ndër të tjera, kam shtuar edhe pesë kile në masë muskulore". Për shokun e skuadrës, që e ka befasuar më shumë, Bentakur duket se nuk ka hije dyshimi: "Bufon më ka pritur në një mënyrë të mahnitshme, më ka habitur. Dinte emrin tim, më njihte. Një fenomen, i cili më jep gjithmonë shumë këshilla. Është një futbollist i një tjetër niveli.

URUGUAI - Në atdhe e kanë konsideruar "La Joya Celeste",

i ka mahnitur të gjithë në Uruguai, pasi ka udhëhequr kombëtaren drejt Botërorit të Rusisë me një ndeshje të madhe si titullar (dhe protagonist). Në stadiumin "Centenario", është dalluar për teknikë dhe cilësi: "një mesfushor me të ardhme të sigurt mes të mëdhenjve",

e kanë komentuar kronistët. Tashmë, 20-vjeçari i ardhur nga Boka Zhuniors, do jetë sërish nën urdhrat e Masimiliano Alegrit, që do e vendosë mes kampionëve në dispozicion. Khedira, Matuidi, Pjaniç, e Markizio me shokë janë të paralajmëruar.