"Nesër Lacio, më pas mendja te Sportingu"

Federiko Bernardeski, i ndalur për kanalin e klubit bardhezi, ka dhënë një deklaratë në kuadër të sfidës së nesërme ndaj Lacios. Për ish- lojtarin e Fiorentinës: "Do të jetë një javë e mbushur me sfida të rëndësishme. Trajneri Alegri ka të drejtë kur thotë se të mërkurën luajmë shanse të rëndësishme për rrugëtimin europian, por fillimisht duhet të përqendrohemi te kampionati". Në lidhje me rolin e tij, 23 vjeçari tha: "Kam ende shumë punë për të mësuar, por jam i lumtur pasi çdo ditë gjërat po përmirësohen për mua. Më pëlqen të luaj futboll, pavarësisht pozicionit që mbuloj në fushën e lojës. Ndeshjet më pëlqen t'i shijoj dhe çdo lëvizje që bëj, e vendos në varësi të momentit."