Ideja e re e Junajtid, shkëmbim Marsial-Rakitiç

Në Angli dhe Spanjë janë të sigurt: Mançester Junajtid është i hapur për shkëmbimin e Antoni Marsialit me Ivan Rakitiçin. Trajneri Zhoze Murinjo ka dështuar që t'i garantojë sulmuesit francez një vend titullari në skuadrën e tij. Dhe sipas tabloideve, 21-vjeçari, i cili po kalon një formë shumë të mirë këtë fillimsezoni, nuk është i lumtur me minutat që ka në dispozicion. Sipas asaj që shkruan "Daily Star", ish-talenti 21-vjeçar i Monakos mund të transferohet në "Camp Nou" në formën e një shkëmbimi me mesfushorin kroat të katalanasve dhe, sipas tyre, një marrëveshje e tillë do të kishte edhe bekimin e drejtueseve të Mançester Junajtid.