Tifozët nuk dorëzohen, klubi do kthesën

Asnjë fitore në kampionat bën që Naftëtari të mos i kënaqet as barazimit. Kuçovarët presin reagim dhe duket se, përtej rezultateve negative, tifozët i ka në krahë. Seanca e djeshme është ndjekur me interes prej sportdashësve. Ndërkohë, edhe drejtuesit besojnë te kthesa e skuadrës dhe një gjë të tillë e thotë edhe vetë përgjegjësi i ekipit, Artur Lame: "Nuk e kemi nisur mirë kampionatin. Humbja me Tiranën mbetet e pranueshme, por dy javët e para meritonim më shumë. Kemi vuajtur dhe gabimet e gjyqtarëve. Megjithatë, le t'i harrojmë këto tre humbje dhe të përqendrohemi tek Apolonia. Duhet me çdo kusht fitorja. E respektojmë kundërshtarin, por na duhen pikët". Arben Çepani