Arrizabalaga pëlqehet për portën

Skuadra e Realit është duke menduar për të afruar një portier të ri dhe Kepa Arrizabalaga shihet si pasardhësi i Kejlor Navasit. Lajmin e bën të ditur "Marca" që shkruan se drejtuesit e madrilenëve kanë shfaqur interes për gardianin e Vajadolidit. Ai është në pronësi të Atletikos së Bilbaos, por është i huazuar dhe ka bërë paraqitje shumë pozitive. Tifozët e Realit, përmes një sondazhi, kanë shfaqur pëlqimin e tyre për 23-vjeçarin.