Lushnja sfidon Skënderbeun me mungesa, lojtarët ndihen të pafat
Ruço: Luajtëm mirë, meritonim më shumë
Lushnjarët bënë një paraqitje dinjitoze në "Roza Haxhiu" ndaj Kukësit dhe për këtë drejtuesit e Bashkisë dhe të klubit kanë falënderuar skuadrën, por duke kontestuar në mënyrë sistematike gjykimin. Një nga lojtarët më të mirë të Lushnjës, Ledion Ruço për gazetën "Panorama Sport" shprehet: "Bëmë një pjesë të parë shumë të mirë. Kishim më shumë dëshirë, më shumë iniciativë nga kundërshtari. Na mungoi edhe fati. Ndeshja u vendos nga episodet, por mendoj se bëmë një tjetër ndeshje me dinjitet. U treguam edhe më shumë të përmirësuar. Tani mendojmë për Skënderbeun për të shprehur vlerat më të mira të Lushnjës. Kam luajtur në të dy krahët, në mbrojtje dhe në mesfushë që kur luaja me të rinjtë", deklaroi Ruço. Lushnjarët mund t'u dhuronin kënaqësinë e golit 3000 mbështetësve të tyre, por goditja e jashtëzakonshme e Papës u stampua në traversë. "Midis shumë të tjerave, edhe fati ishte kundër nesh. Kemi luajtur mirë e kemi goditur portën, por loja jonë do të shpërblehet në vazhdim dhe unë do të shijoj golin. Jo gjithnjë është fati kundër", deklaroi lojtari më i mirë i ndeshjes për lushnjarët. Tekniku i lushnjarëve, Artan Bano ka merituar më shumë në ndeshjen me Kukësin. Duke aplikuar 4-2-3-1, trajneri i verdhëjeshilëve i ka dhënë
shumë rëndësi pjesëmarrjes së lojtarëve në fazën e ndërtimit të lojës dhe Lushnja nuk ka bërë një ndeshje të mbyllur si me Partizanin. MUNGESAT - Lushnja do të ketë tri mungesa ndaj bardhekuqve në përballjen e nesërme që do të luhet në stadiumin "Skënderbeu" të Korçës. Portieri Spaho është i skualifikuar Te lushnjarët vijon të mbetet problem shënimi i golit. Verdhëjeshilët kanë shënuar vetëm një herë në këto pesë javë. Firmëtari i vetëm është mesfushori Gava që shënoi në javën e dytë ndaj Flamurtarit. Në tri ndeshjet e fundit, lushnjarëve u ka munguar goli. Ata kanë 329 minuta pa shënuar. Lushnjarët janë të përqendruar te ndeshja e nesërme me korçarët duke pasur vetëm dy ditë kohë për t'u përgatitur.
pas kartonit të kuq që mori në ndeshjen me Kukësin. Ndërsa qendërmbrojtësi Xhafa dhe mesfushori Branica do të mungojnë në një kohë të gjatë, pas dëmtimeve të rënda ndaj verilindorëve. Lushnjarët kanë tri mungesa në transfertën e nesërme ndaj skuadrës më të fortë të kampionatit. A. Alushi