Zidan feston 100 ndeshjet: Kurrë në jetë te Barcelona!
Zinedin Zidan nuk e ka nisur siç duhet kampionatin sivjet dhe diferenca me Barcelonën në vetëm 7 javë është kanionike (7 pikë). Gjithsesi, askush nuk ka ndër mend që të dorëzohet në radhët e Realit të Madridit, aq më shumë trajneri francez, i cili në duelin e radhës kundër Getafes do të luajë ndeshjen e tij të 100-të, në krye të skuadrës së "galaktikëve". Në konferencën e tij për shtyp, përpara transfertës së pasdites së sotme, "Zizu" prek disa tema, ku edhe pse është tentuar të thumbohet nga gazetarët në lidhje me një të ardhme të tijën në stolin e Barcelonës, transalpini nuk tundohet, përkundrazi i premton besnikëri përjetë Realit të Madridit. BARCELONA - "Zemra ime është e Realit. Edhe në kohën kur isha lojtar pata oferta të ndryshme, por asnjëherë nuk i mora parasysh, sepse doja të luaja vetëm këtu. Për këtë fakt nuk mendoj se do të jem ndonjëherë trajner i Barcelonës, por të shohim". 100 NDESHJE - "Është e vështirë kur humbet sepse tregon që gjërat nuk po shkojnë mirë. Ndeshja më e bukur është ajo kur fitova kampionatin spanjoll". ATLETIKO-BARÇA - "Nuk më interesojnë aspak të tjerët, sepse dua vetëm të fitoj vetë. Shpresoj që të shkurtojmë diferencat me skuadrat e tjera". KARVAHAL - "Ju e dini problemin që ka Dani me zemrën dhe me këtë gjë nuk mund të bëhet shaka. Duhet të kemi durim që të rikuperohet sa më mirë dhe të rikthehet i gatshëm. Mund të mungojë 1 javë ose dy, por shëndeti i tij është më i rëndësishëm e gjithçka".
RIKUPERIMET - "Do të luajmë 7 ndeshje shumë të rëndësishme gjatë kësaj kohe dhe na duhen të gjithë lojtarët të jenë në gjendjen e tyre më të mirë. Pastaj të shohim, por e rëndësishme është Getafe".