Sampaoli: Vidal i alkoolizuar, duhet të kurohet

I kombëtares kiliane zbulon problemet e mesfushorit bavarez në vitin 2015

Ish-trajneri i kombëtares kiliane, Horge Sampaol, ka thumbuar mesfushorin bavarez, Arturo Vidal, duke zbuluar se në vitin 2015 ka pasur mjaft probleme teksa luante me kombëtaren kiliane. Sampaoli ka shpjeguar se Vidal gjithmonë ka dashur të konsumojë alkool dhe nuk e kontrollonte dot veten duke shtuar se: "Kur kemi qenë duke u kthyer me aeroplan nga Lima, Vidal më pyeti nëse mund të hapte një birrë të cilën e kishte marrë me vete në fluturim. Pa dyshim i thashë që s'mundej, pasi në aeroplan ishin edhe drejtuesit e kombëtares. Si përfundim, ai nisi të pinte një shishe me alkool së bashku me disa lojtarë të tjerë. Në këtë mënyrë u detyrova të fajësoja stafin e këtij fluturimi, edhe pse e dija që faji ishte i Arturo Vidalit". Kapiteni i kombëtares kiliane, Klaudio Bravo, ka folur pas dështimit për në Kupën e Botës se ka qenë duke konsideruar edhe dorëheqjen nga kombëtarja. Bashkëshortja e tij, Karla Pardo, ka dyshuar në aspektin profesional te lojtarët e kombëtares kiliane, pasi disa prej tyre ishin shumë të dehur për të luajtur. E ëma e saj, Pilar Lizana, ka mbrojtur të bijën gjatë një interviste duke thënë: "Ajo ka qenë e habitur me lojtarët e kombëtares, si Vidali, i cili vinte në stërvitje i dehur". Rreth dy vite më parë, mesfushori kilian, Arturo Vidal, është aksidentuar me automjetin e tij në Kili, pasi ka qenë duke udhëtuar në gjendje të dehur, ku si pasojë i është pezulluar leja e qarkullimit. Megjithatë, mesfushori ka vazhduar të shfaqë anën e tij të fortë duke postuar mesazhe inkurajuese për tifozët e kombëtares kiliane, pasi u përfol se ai kish menduar largimin e tij nga skuadra. Gjatë disa postimeve në rrjetin social "Twitter", Vidali ka shkruar se: "Një luftëtar mund të qajë, por ai nuk di të heqë kurrë dorë". Gjatë ditës së djeshme, Sampaoli ka thënë se i vjen keq për deklaratat e vitit 2015.