Çelsi fitore dramatike, Siti nis arratisjen
Hadërsfilldi shokon "djajtë e kuq" dhe Guardiola shkon +5
Ashtu si moti i Lon drës: diell, shi, sërish diell. Fitorja 4-2 e Çelsit ndaj Uotfordit është në paralele me klimën britanike: në harkun e 90 minutave blutë i përjetojnë të gjitha stinët, por në fund rikthehen te suksesi pas 3 javësh dhe shohin dritë në fund të tunelit. Por rezultati nuk është pasqyrë e ndeshjes: Uotfordi ishte shumë herë pranë 1-3, pasi përmbysi golin spektakolar të Pedros. Çelsi rrezikoi shumë përballë skuadrës së Marko Silvës, e cila në një pikë u bë edhe padrone e fushës. "The Hornets" shpalosin një futboll të bukur dhe kanë talente të vërteta, ashtu si Dukure, por mbi të gjitha Riçarlison. Por është sërish braziliani në shënjestër për rastet e humbura: e pabesueshme rasti me rezultatin 1-1, me një hapësirë të madhe përpara. Një trajneri si Konte nuk mund t'i bëhen dhurata të tilla dhe menaxheri puljez i shfrytëzon mirë burimet nga stoli: pankina ndryshon drejtimin e erës dhe rishfaqet dielli. Nga 1-2 që do të kishte hapur një krizë totale, 4-2 sjell qetësinë. Por 3-2 erdhi vetëm në minutën e 87-të me Azpilikuetën: idetë e Kontes dhe dopieta e Batshuajit përmbysën gjithçka dhe ai shkon të festojë duke u hedhur mes tifozëve.
Mrekullia e Pep - Ai që çel fitoren 3-0 të Sitit ndaj Bërnlejt është Serxho Aguero. Argjentinasi rikthehet 23 ditë pas frakturës në brinjë prej aksidentit automobilistik në Amsterdam dhe firmos 1-0 pas gjysmë ore me një penallti. Goli shoqërohet nga gjëmimi i emrit "Serxho" nga publiku, sepse "Kun" arrin rekordin e Erik Brukut, duke u bërë golashënuesi më i mirë i historisë së klubit me 177 gola. Në pjesën e dytë, nën shiun dhe në të ftohtin e parë të sezonit, "qytetarët" vuajnë futbollin muskulor të Bërnlejt, por Otamendi në 73' dhe Sane 2 minuta më vonë, qetësojnë përfundimisht Guardiolën. Katalanasi barazon rekordin e klubit me 11 fitore radhazi në të gjitha kompeticionet dhe shkon + 5 nga rivalët e Mançester Junajtid. Mund të flitet për një arratisje të vogël.
Surpriza Hadërsfilld - Suksesi i fundit i Hadërsfilldit ndaj Mançester Junajtid (2-0) kishte ardhur në marsin e vitit 1952, një muaj pasi në fronin mbretëror ishte ngjitur mbretëresha Elisabeta II 65 vjet më parë. "Terriers" përsërisin një sukses madhështor ndaj "djajve të kuq" (këtë herë 2-1), të penalizuar nga dëmtimi i Xhonsit dhe gabimet e zëvendësuesit të tij, Lindelof. Skuadra e Vagnerit kalon në avantazh me Mui në 28'. Depuotër dyfishon 5 minuta më vonë. Në pushim, Murinjo bën dy ndryshime: brenda Mkhitarian dhe Rashford dhe jashtë Mata dhe Marsial. Junajtid ka një tjetër hap, por vendësit janë të detyruar të mbrohen. Rashford shkurton 12 minuta nga fundi, por Hadërsfilldi mbahet në rrebeshin e rrëmbyeshëm edhe pas 4 minutave të shtesës dhe stadiumi shpërthen në festë. 78% e zotërimit të topit nga Junajtid nuk shërbeu për asgjë. Tani janë -5 nga Siti.