Shqipëria 3 medalje, Gjoza: Do organizojmë Europianin e 2018-ës

"Turneu i të rriturve vitin e ardhshëm, në vendin tonë"

Është mbyllur me suk ses Kampionati Eu ropian i Peshëngritjes për të rinj dhe moshat nën 23 vjeç, i mbajtur në Durrës nga data 15 deri më 21 tetor. Për 7 ditë, Durrësi gumëzhinte nga zhurmat e sportistëve dhe gjithçkaje tjetër që lidhej me peshëngritjen. Në total në këtë aktivitet morën pjesë 345 sportistë nga 37 vende të Europës. Gjithçka shkoi siç duhet, duke bërë që Shqipëria të prezantohet si një vend model për organizimin e aktiviteteve të tilla. Asnjë incident, shumë "fair play" dhe asnjë i dëmtuar ndër sportistët e shumtë. Për sa i përket garës, në të dyja gjinitë gjithçka u dominua nga sportistët e vendeve lindore, që e kanë më shumë traditë sportin e peshëngritjes. Rusia, Bjellorusia, Armenia, Ukrahina, Turqia etj. ishin vendet që i dhanë tonin kampionatit, duke rrëmbyer edhe numrin më të madh të medaljeve. Vend me traditë dhe rezultate në këtë sport është edhe Shqipëria, e cila u përfaqësua në këtë aktivitet me 7 sportistë, ku që të gjithë ishin djem. Në fund mund të themi se përfaqësimi i tyre ishte dinjitoz, pasi solli tri medalje. Arbër Çerçizi meritoi dy herë titullin e nënkampionit të Europës, duke merituar 2 medalje të argjendta në peshën 62 kilogramë

për moshën U-20. Nga ana tjetër, Romario Avdiaj doli i treti në Europë në peshën 62 kilogramë U-23. ELEZ GJOZA

Në fund të aktivitetit, Presidenti i Federatës Shqiptare të Peshëngritjes, Elez Gjoza, përveç gëzimit të përfundimit

të gjithçkaje me sukses dha edhe një lajm tjetër. "Fillimisht mund të them se ndihem i çliruar dhe mjaft i lumtur që mbyllëm çdo gjë siç duhet. Ishte një aktivitet që kërkonte impenjim të gjithanshëm, ndaj duhej angazhim maksimal. Dëshira jonë ishte që të bënim një organizim model dhe e them me plot gojën që ia dolëm. Për këtë dua t'i përgëzoj të gjithë, pasi kjo është gjë e mirë jo vetëm për peshëngritjen shqiptare, por edhe për imazhin e Shqipërisë në përgjithësi. Kam biseduar vazhdimisht me të gjithë përfaqësuesit e shteteve dhe janë shprehur shumë të kënaqur. Jo vetëm gara dhe infrastruktura sportive ishte në nivel, por edhe qëndrimi dhe akomodimi ishin të përsosur. Për këtë morëm edhe përgëzimet e Presidentit Meta. Falë organizimit në nivel të këtij aktiviteti, por edhe angazhimit tonë plot pasion, përfaqësuesit e Federatës Europiane të Peshëngritjes na dhanë të drejtën që në muajin prill të vitit 2018 të organizojmë në Tiranë Kampionatin Europian të peshëngritjes për të rritur".