Ja 5 konkluzionet për sfidën Lajpcig-Bajern
Edhe pse ka qenë një sfidë e mbushur me agresivitet dhe emocione të jashtëzakonshme ajo mes Lajpcigut dhe Bajernit, për kampionët gjermanë gara për të tre titujt vazhdon. Në këtë ndeshje, ka patur edhe mjaft kontestime lidhur me vendimet e gjyqtarit, por sipas së përditshmes gjermane, "TZ", ja cilat janë pesë konkluzionet e kësaj beteje:
1. Lajpcigu di si t'ia vështirësojë punën Bajernit- Edhe në duelin e tretë me skuadrën e Lajpcigut, kampionët gjermanë kanë patur mjaft vështirësi për të arritur të gjejnë kuadratin e portës kundërshtare. Në një sfidë, e cila zgjati 120 minuta, skuadra e teknikut gjerman, Ralf Hazenhytl ka qenë superiore, sidomos në distancat e gjata. Lajpcigu ka vënë skuadrën bavareze në vështirësi gjatë pjesës më të madhe të kohës dhe kjo u jep atyre një shtysë për përballjen e radhës.
2. Bajerni, jo i efektshëm- Dominimi i skuadrës vendase të Lajpcigut në raundin e dytë të Kupës së Gjermanisë është lidhur ngushtë me mesfushën e shkëlqyer. Emil Forsberg dhe Marsel Sabicer kanë arritur të përballen denjësisht dhe të mbizotërojnë ndaj kilianit të skuadrës bavareze, Arturo Vidal dhe Korentin Tolisos. Nga ana tjetër, skuadra e kampionëve gjermanë nuk ka arritur të shfaqë potencialin e saj edhe në pjesën e sulmit, pasi bomberi polak, Robert Levandovksi nuk ka arritur të shfrytëzojë disa prej rasteve më të mira në të gjithë sfidën. Kjo ka treguar se Bajerni nuk ka qenë tepër i efektshëm.
3. Dyshime në gjykim- Në shumë ndërhyrje gjatë kësaj sfide, gjyqtari kryesor, Feliks Cvajer dhe asistentët e tij, janë kundërshtuar shpesh nga të dyja skuadrat për vendime të gabuara. Madje edhe për 11-metërshin e dhuruar në favorin e skuadrës vendase, bavarezët nuk e kanë pranuar kurrsesi si një vendim të drejtë dhe kanë fajësuar asistentët anësorë për këtë vendim. Një rast tepër kritik ka qenë edhe kartoni i dytë i verdhë për Nabi Kita-në i cili la skuadrën me dhjetë lojtarë në një moment kritik.
4. Var-i- Në sfidën e raundit të dytë për Kupën e Gjermanisë, nuk ka patur moviolë elektronike për një gjykim më të saktë, pasi ajo do të jetë e vlefshme vetëm për çerek-finalet e saj.
5. Ulraish, heroi i mbrëmjes- Triumfuesi i kësaj sfide ka qenë pa dyshim një prej lojtarëve më të kritikuar të skuadrës bavareze, portieri Sven Ulraish, i cili gjatë periudhës së Ançelotit u thumbua nga kritikët për paraqitje jo të denjë. Mirëpo, pasi ka ndalur penalltinë e Timo Verner, ai u shpall heroi i skuadrës dhe i kësaj mbrëmjeje spektakolare.