Murinjo me fat, Totenhemi e sfidon pa Kejnin
Negativ prej -24 mln, por shtohen të ardhurat me 33%
Asambleja e Aksionarëve të Interit ka zbardhur bilancin për 6-mujorin e parë (deri në 30 qershor 2017) me një humbje prej 24,6 milionë euro. Janë respektuar kështu parametrat e "fair play"-it financiar, me një shtim prej 33% në fitimet e klubit. I pari ( më herët nga të tjerët) në Asamble ishte administratori i deleguar, Alesandro Antonelo. I ndjekur më pas në seli nga Havier Zaneti, Xhiovani Gardini dhe Majkëll Uilliamson. Prezent në takim, Stiven Zhang, i biri i pronarit të klubit. Mungonin si Zhang Zhindong ashtu edhe presidenti Erik Tohir.
SHIFRAT NË DETAJ - Bilanci i konsoliduar ka paraqitur një faturim që qëndronte në 318,2 milionë euro (+78.4 milionë, +32.7% krahasuar me bilancin e mëparshëm), një EBITDA ( tregues produktiviteti) të barabartë me 67.5 milionë euro dhe një reduktim të mëtejshëm të humbjeve që kanë mbetur në -24.6 milionë (+36.7 milionë krahasuar me bilancin e kaluar). Humbjet, megjithatë kanë rezultuar të kënaqshme për respektimin e kritereve të stabilizuar nga "fair play" për vitin fiskal 2016-' 17 ( në pritje të aprovimit formal nga UEFA)
KONFIRMOHET KËSHILLI - Përveç rezultateve financiare, Asambleja e Aksionarëve ka aprovuar edhe ndryshimet në Këshillin e Administratës: Alesandro Antonelo është konfirmuar administrator i deleguar ( i emëruar në muajin gusht) në rastin e takimit të djeshëm. Në vijim detajet e ndërtimit të Këshillit të Administratës zikaltër: Erik Tohir, Handi Purnomo Soetedjo, Nikola Volpi, Alesandro Antonelo, Jang Jang, Mi Xin, Zhang Kangjang, Ren Zhun, Liu Zhun.
FLET ADMINISTRATORI - Pozitiv komenti i administratorit të deleguar,
Antonelo: "Falë punës së madhe kemi pasur mundësi të garantojmë rezultate pozitive për vitin financiar 2016-' 17. Një trend rritjeje dhe qëndrueshmërie që na shoqëron në rrugën e ndërmarrë për t'u rikthyer në katet më të larta të futbollit europian. Çka është faturuar deri më tani është pjesë e programimit për të ndërtuar një skuadër më konkurruese dhe klubin një model për sukseset sportive".