Bylis-Pogradeci, “teatër” për 6 gola
Miqtë shënojnë në fund, vendësit lënë shumë hapësira
Bylisi ndalet sërish dhe i bën "dhurata" Pogradecit. Ballshiotët bëjnë një tjetër hap të gabuar. Por, takimi i djeshëm i ngjante më shumë një "teatri" të shpalosur nga të dy ekipet, sesa një ndeshje të vërtetë. Një takim që ka prodhuar gjashtë gola, gabime foshnjarake dhe në fund një gol të çuditshëm të miqve, në një kohë që mbrojtja vendëse ishte...
Bylisi ndalet sërish dhe i bën "dhurata" Pogradecit. Ballshiotët bëjnë një tjetër hap të gabuar. Por, takimi i djeshëm i ngjante më shumë një "teatri" të shpalosur nga të dy ekipet, sesa një ndeshje të vërtetë. Një takim që ka prodhuar gjashtë gola, gabime foshnjarake dhe në fund një gol të çuditshëm të miqve, në një kohë që mbrojtja vendëse ishte shumë e hapur. Në gjashtë ndeshje deri tani, Bylisi ka fituar tri dhe ka barazuar po aq. Një rezultat që i shkon më shumë për shtat Tiranës. Ndërsa Bylisi duket i dorëzuar sa i përket luftës për vendin e parë.
NDESHJA
Takimi ka nisur me vendësit që hidhen në sulm dhe kërkojnë golin e avantazhit. Por, miqtë janë të vendosur mirë. Atëherë kur nuk pritej, janë liqenorët që kalojnë në avantazh. Në minutën e 24- t, një pasim i gjatë nga mbrojtja e Pogradecit dhe në mesfushë është Kullira i Bylisit që gabon, duke lënë topin në mënyrë të pakuptimtë, dhe është Çekiçi që përfiton dhe avancon i vetëm drejt portës, dhe në hyrje të zonës godet saktë dhe 0-1. Por, avantazhi i miqve vazhdon vetëm një minutë. Zisi provon nga
goditja e këndit, nga rreth 45 metra dhe portieri i Pogradecit, Mali, i vendosur gabim, nuk arrin ta ndalë topin që përfundon direkt në portë dhe 1-1. U duk se Bylisi do të kalonte shpejt në avantazh. Por, në të 37-ën janë sërish miqtë që shënojnë. Një vertikalizim
i saktë për Peren, që hyn me lehtësi në zonë dhe godet me të djathtën, duke shënuar golin e dytë, 1-2. Pjesa e parë mbyllet me avantazhin e Pogradecit. Në të 59ën është Ntefe që barazon rezultatin. Pas një rrëmuje në zonën mike dhe gabimit të dy mbrojtësve të Pogradecit, është lojtari i Bylisit që godet fort me të djathtën dhe gjen trekëndëshin e majtë të Malit. Pas vetëm shtatë minutash, Bylisi gjen edhe golin e avantazhit. Është Kolgega në të djathtë, në zonë që driblon Purën, dhe pasi krijon hapësirën
e nevojshme, godet saktë në trekëndësh, ndërsa Mali nuk reagon siç duhet dhe 3-2. Dukej sikur Bylisi do të siguronte fitoren e radhës. Por, në të 86-ën shënojnë sërish miqtë. Mbrojtja e Bylisit duket e hapur më shumë seç duhet dhe pas një aksioni në të
djathtë, është Mezini që shërbehet në qendër dhe me portën e boshatisur shënon golin e dytë, 2-2. Nuk ka më kohë dhe ndeshja mbyllet në barazim, me Tiranën që përfiton nga ky rezultat. Duket se Bylisi e ka humbur shkëlqimin e një sezoni më parë.