Daja dhe Lilaj, bast për titullin
Mesfushori është golashënuesi i ekipit: Fitoj "Këpucën e Artë" po morëm shumë penallti
Skënderbeu do të lua jë sot ndaj Luftëtarit në javën e tetë të kampionatit, ndërsa për trajnerin Ilir Daja është një ndeshje që vlen tri pikë dhe kërkon të marrë maksimumin. Në konferencën për shtyp para mediave, Daja bën me dije se ekipi i tij është i uritur dhe se i ka të gjitha mundësitë për të fituar titullin. Por, edhe pse Skënderbeu po dominon në kampionat, ai nuk është 100% i kënaqur me ekipin e tij duke kërkuar që të vijojë të përmirësohet. Fillimisht trajneri foli për ngarkesën e ndeshjeve. "Ne jemi mësuar tashmë me këtë intensitet ndeshjesh dhe kemi kapur ritmin e duhur që të përballojmë gjithçka. Ka qenë problematik fakti që nuk kishim grupin në dispozicion dhe nuk kemi pasur mundësi që të bëjmë lëvizje për të çlodhur lojtarët, por që me rikthimin e grupit në masën 90%, besoj se do të kemi sa më shumë mundësi zgjedhjeje. Nuk dua ta quaj rrotacion. Duke u nisur nga disa dëmtime, lojtarët nuk janë në gjendje maksimale. Besoj se do të hedhim në fushë lojtarët më të mirë duke parë që objektivi ynë është fitimi i kampionatit dhe 3 pikët me Luftëtarin", tha Daja. ECURIA
Më pas, ai analizoi ecurinë e skuadrës së tij dhe tha se Skënderbeu nuk e diskuton
titullin kampion, pavarësisht faktit se çfarë bëjnë të tjerët. "Ne bëjmë kampionatin tonë, fokusohemi te ndeshjet tona. Kemi bërë mirë, por në javën e tetë që luajmë nesër (sot) do të kërkojmë të mbajmë këtë ritëm siç kemi bërë tani. I kemi të gjitha mundësitë për
të fituar titullin kampion. Por, nëse do të jemi në ndeshje ashtu siç kemi qenë këto shtatë javë. Kampionati është i gjatë. Unë po e përsëris, nëse do të bëjmë siç kemi bërë deri tani, besoj se janë shumë javë në lojë dhe koha do ta tregojë se cilët janë
rivalët për titull", vazhdoi më tej trajneri i Skënderbeut, i cili kërkon që skuadra të përmirësohet akoma më shumë. "Besoj se kemi bërë mirë që në fillim të janarit dhe në vazhdimësi. Duhet të shtrijmë në një 90-minutësh sa më shumë të jetë e mundur
bashkëpunimin në ekip. Në këtë mënyrë do të jemi të pamposhtur", tha ai duke kërkuar patjetër 3 pikët me Luftëtarin.
"BASTI" I LILAJT Mesfushori i Skënderbeut është golashënuesi i ekipit, por nuk e ëndërron "Këpucën e Artë". "Atë e fitoj vetëm nëse marrim shumë penallti", tha Lilaj duke qeshur. Më tej shpjegoi momentin dhe objektivat. "Të them të drejtën është një ndjesi e veçantë të jesh golashënues i ekipit. Por e rëndësishme është ecuria. Skënderbeu po ecën me një ritëm të mirë.
Edhe Europa na ka dhënë një ndihmesë të madhe. Golat gjithmonë të japin një kënaqësi të veçantë, por fati im që po gjuaj penalltitë këtë vit dhe dua ta shfrytëzoj në maksimum si për vete edhe për ekipin. Ne jemi të uritur, titujt të bëjnë te ecësh përpara dhe për sa kam ndërmend që të vazhdoj të eci përpara atëherë, do të kërkoj të fitoj tituj", theksoi mesfushori. Ai vlerësoi Luftëtarin, por tha se Skënderbeu është i përqendruar maksimalisht për të marrë 3 pikët në këtë ndeshje dhe për të ecur i qetë drejt titullit kampion.