Nga limonët te detergjenti i duhur, manitë e Poçetinos
Prej disa sezonesh tashmë, Totenhemi i Maurisio Poçetinos ndodhet gjithmonë në majat e futbollit anglez. Si dy vite më parë, po ashtu edhe në sezonin e vjetshëm, "Spërs"-at kanë luftuar për titullin, por në fund kanë triumfuar si fillim Leiçesteri i Klaudio Ranierit dhe, më pas, Çelsi i Antonio Kontes. Të shumtë janë lojtarët që janë dalluar nën drejtimin e trajnerit argjentinas, me Herri Kejn mbi të gjithë, sulmues edhe i përfaqësueses së "Tre Luanëve". SI SËR FERGUSON - Në Angli, Poçetino konsiderohet nga të gjithë si "Fergusoni i ri" dhe kanë vërtet shumë pika të përbashkëta: po ashtu si Sër Aleks, tashmë i tërhequr pas një jete të kaluar në stolin e Mançester Junajtid, Maurisio promovon talentet, përmirëson lojtarët, shfaq një futboll që entuziazmon publikun, ble me zgjuarsi dhe shpenzon shumë pak. Është besnik ndaj klubit dhe mendon në mënyrë afatgjatë. Të dy dallohen nga temperamenti dhe sëmundja për kërkesën e disiplinës. Si futbollist kanë mbuluar rolin e qendërmbrojtësit; me të kaluar në stol, të dy favorizuan taktika që përfaqësonin mentalitetin e tyre: agresiv dhe konfrontues. Pas një bisede me "idhullin" e tij (besohet se Ferguson i ka dhënë udhëzime, duke e konsideruar si një nga më të trajnerët më të talentuar), Poçetino ka thënë: "Do t'i kujtoj përjetë detajet e asaj bisede dyorëshe". LIMONË KUNDËR NEGATIVITETIT - Në librin e tij të titulluar "Brave New World" ka zbuluar anekdota të ndryshme, manitë dhe raportet e tij me lojtarët. 45-vjeçari nuk i lë asgjë rastësisë dhe kuron në mënyrë maniake çdo detaj. Si zgjedhjen e detergjentit për lavanderinë e klubit ku pastrohen uniformat dhe veshjet e skuadrës së parë. Por jo vetëm: për ish-mbrojtësin e Paris Shën Zhërmenit janë thelbësorë limonët, sepse sipas tij thithin energjinë negative të pranishme në ambient. Në fakt, është e mundur t'i gjesh në tavolinën e zyrës së tij. Tjetër kuriozitet, mania e çuditshme është ajo e ndezjes së motorit të makinës së tij dhe pritja 10-minutëshe përpara nisjes. Ndërsa pret, dëgjon Robi Uilliams.
PSIKOLOG - Poçetino kërkon edhe të krijojë një raport të mirë me lojtarët e tij, të cilëve në fakt u kërkon shprehimisht të përballen me të dhe të mos u besohen psikologëve. Por kujdes të mos e inatosësh. Edhe të ushqyerit është thelbësor për trajnerin e londinezëve: këtë e di mirë Xhorxhs-Kevin N'Kudu, i zbuluar duke ngrënë një pjatë me lazanje. Si dënim lojtari u dërgua në shtëpi përpara se të niste seanca stërvitore.
SOT KUNDËR MOU - Në këtë moment, Totenhemi ndodhet me vetëm pesë pikë diferencë nga Mançester Siti kryesues dhe me një Poçetino kështu, fitorja e titullit mund të vijë shumë shpejt. Sot e pret sfida me "Djajtë" e Murinjos.