Katalonja një makth, Reali për turp me Gironën
Katër minuta u mjaftojnë katalanasve për të mposhtur madrilenët, festë në qytet
Në një atmosferë të kushtëzuar jo pak edhe nga ndodhitë politike në vend, Kampionët e Europës humbin në shtëpinë e Gironës. Pak politikë, por tifozeri dhe kurajë për t’u admiruar ajo e skuadrës katalanase. Kjo ishte vizita e parë e kryeqytetasve në Katalunjën e shpallur e pavarur. Tension jashtë fushe dhe asnjë surprizë brenda saj, ishte ky parashikimi i një ndeshjeje që respektoi gjithçka përveç parashikimeve.
SHTYLLË E GOL - Për Zidan, takimi niste me dy mungesa, atë të Karvahal, i zëvendësuar nga 18- vjeçari Ashraf dhe Kejlor Navas: në portë katalanasi Kiko Kasija. Momenti i parë emocionues i garës vjen në sekondën e 11të të minutës së 11-të, kur Mafeo më një goditje-kros arriti të mundë portierin madrilen. Për fatin e tij të keq, topi përfundoi në shtyllë me Serxho Ramosin që spastroi zonën pa u menduar dy herë. Ky top i kapitenit përfundoi te Benzema që pason bukur për Ronaldon. Portugezi shënjestron portën duke marrë një përgjigje të bukur nga portieri vendës, i cili nuk mund të bëjë asgjë në goditjen e Iskos që çdo në avantazh Realin.
SHTYLLA DHE SHPËRDORIME - Ndeshja vazhdon për shumë minuta në të njëjtët binarë, me Gironën që ka iniciativën dhe kthjelltësinë e duhur dhe Realin që nuk sulmon si zakonisht. Katalanasit ndalen rishtazi nga shtylla kur tentojnë me Portu, ndërsa Ronaldo shpërdoron shansin e radhës. Shënjestra e portugezit vazhdon të mos jetë e dikurshmja, sidomos në ndeshjet e fundit.
PËRMBYSJA - Pjesa e dytë nis me Adajn që largon nga vija fatale goditjen e Benzemasë. Gironasit vazhdojnë të sulmojnë dhe barazojnë me Stuanin. Ekuilibri është një shtysë më shumë për vendësit që gjejnë edhe golin e avantazhit me Portu. Për 35 minuta Zidan përpiqet të kthejë pa sukses rezultatin, teksa tifozët vendës gëzojnë duke brohoritur emrin e Mesit.