Radas: Presioni, mbi serbët
"Nëse nuk pësojmë shpejt, jam i bindur që do t'i ndëshkojmë dhe mund të fitojmë"
Skënderbeu filloi pa humbur kohë për gatitjet për ndeshjen e së enjtes kundër Partizanit të Beogradit. Një takim shumë i rëndësishëm për fatin e korçarëve, që do të kërkojnë të mbajnë ende gjallë shpresat për të kapur vendin e dytë, i cili të jep kualifikimin. Atmosfera në kampin bardhekuq është e mirë dhe lojtarët janë të vendosur për të tentuar fitoren në Beograd. Dje, në një intervistë për "Panorama Sport", Marko Radas foli për takimin ndaj serbëve, duke e cilësuar të vështirë, por jo të pakalueshëm. Ai theksoi se Skënderbeu duhet të luajë me përqendrim maksimal për të marrë një rezultat pozitiv. Sipas kroatit, presioni në këtë takim është mbi kundërshtarin.
Marko, nga kampionati në Ligën e Europës. Çfarë ju pret kundër Partizanit të Beogradit?
Është i njëjti diskutim për çdo ndeshje që luajmë në Europa Ligë. Në këtë kompeticion nuk ka ndeshje të lehta, por të gjitha janë mjaft impenjative, për të cilat duhet që të kesh përqendrimin maksimal nga minuta e parë dhe deri në sekondën e fundit.
Tashmë që e njihni mirë Partizanin, cilat janë shanset tuaja?
Partizani i Beogradit, nga mënyra sesi u paraqit në "Elbasan Arena", ishte një ekip që kërkonte përqendrim në çdo moment dhe në çdo cep të fushës. Natyrisht, duke qenë se kishin elementë të mirë individualë, kërkonte që çdo lojtar i joni të ishte i përqendruar për atë futbollist që kishte në krah, duke mos lënë hapësirat boshe për shfrytëzim. Ne, një gjë të tillë, them se e bëmë mirë në ndeshjen e parë, ndërsa tani do të mundohemi të jemi akoma edhe më të saktë.
Çfarë e bën më të vështirë takimin e kthimit?
Natyrisht që ky takim nuk është një transfertë si gjithë të tjerat, për vetë faktin se të