Nga altari në fushë, ska muaj mjalti për Egbonë
Analizë 30 minuta, Tirana sfidon Bylisin edhe me statistika
Të dielën, e gjithë skuadra bardheblu ishte duke festuar. Emanuel Egbo i dha fund beqarisë dhe zhvilloi ceremoninë e martesës. Ndryshe nga shumë të tjerë që zgjedhin të pushojnë pas dasmës, qoftë edhe duke bërë "muajin e mjaltit", përgatitësi i portierëve bardheblu ka zbritur në fushë. Dje, ai ka qenë në punë me ritëm të plotë për të zhvilluar seancën stërvitore me gardianët e skuadrës kryeqytetase. Gjithçka ka nisur me vendosjen e piketave të nevojshme për ushtrimet e planifikuara, më pas me disa seanca vrapimi për të bërë nxehmjen e nevojshme. TEMPERATURAT
Dje, moti ka qenë i ftohtë në kryeqytet më shumë sesa ditët paraardhëse. Temperaturat e ulëta pasdite kanë bërë që edhe stafi teknik i skuadrës kryeqytetase të përfshihej në lojë me futbollistët. Ze Maria dhe ndihmësit e tij kanë zhvilluar nxehmjen dhe pjesën e parë stërvitore, kur futbollistët kanë bërë disa seanca vrapimi. Më tej, kur lojtarët kanë vijuar ushtrimet me top dhe lojën të ndarë në disa grupe, trajneri ka qëndruar në fushë për të luajtur me të besuarit e tij. I kushtëzuar disi nga temperaturat e ulëta, por edhe nga dëshira për të "marrë krahun" si në të shkuarën e tij prej mbrojtësi anësor, Ze Maria është parë mjaft en-
ergjik në fushë. ANALIZA
Si çdo e hënë, trajneri Ze Maria e ka bërë tashmë traditë për skuadrën që java përgatitore për ndeshjen e radhës nis me analizën e sfidës së fundit të luajtur. Ehe dje, skuadra kryeqytetase
është ndalur në një analizë që ka zgjatur rreth 30 minuta, në ambientet e brendshme të "Skënder Halilit", para se të zbrisnin në fushën e lojës për seancën përgatitore.
BYLIS
Tirana do të përballet me
Bylisin në ndeshjen e vlefshme për javën e shtatë të Kategorisë së Parë. Në historikun e tyre, këto dy skuadra janë ndeshur 33 herë dhe kryeqytetasit numërojnë 17 fitore. Statistikat e tjera janë të tilla që 10 kanë përfunduar në barazim dhe 6 në favor të ballshiotëve. Në të gjithë gamën e përballjeve mes këtyre dy ekipeve, Tirana regjistron disa herë fitore me goleada. Fitorja me diferencën më të madhe është 6-0. Ndërkohë, në anën tjetër, fitorja më e thellë e ballshiotëve është vetëm 2-0.