Elbasani kryeson me pikë të plota, Partizani i pafuqishëm
Skuadra e Elbasanit ka arritur të marrë një tjetër fitore të radhës në kryeqytet, ku ka mundur skuadrën e Partizanit. Kjo është fitorja e tretë radhazi e kësaj skuadre, e cila synon të ngjitet në Grupin A. Për sa i përket ndeshjes së sotme ( dje), loja ka qenë e bukur dhe me ritëm, por rivaliteti më i madh ishte në periodën e tretë, kur skuadra e të kuqve ka triumfuar 25- 22. Partizani ka fituar edhe në periodën e fundit 1912, por nuk ka mjaftuar, pasi elbasanaset kanë fituar dy periodat e tjera 29- 7 në të parën dhe 21- 7 të tretën. Gjatë periodës së parë, skuadra e Elbasanit krijoi diferencë të madhe duke zgjidhur edhe fatin e fitores. Selko, Dervishi e Rusta ishin lojtaret më aktive dhe me një organizim mjaft të mirë, ndërsa edhe Kasa nuk fal duke shënuar pikët. Kështu Elbasani fiton çerekun e parë 29- 7. Gjatë periodës së dytë është skuadra e Partizanit që luan më bukur dhe arrin që, në sajë të kombinimeve të bukura të Gozhdarit dhe Jatës, të shënojë pikë jo vetëm nga gjuajtjet standarde, por edhe nga distanca. Por skuadra e Elbasanit ka rivalizuar deri në fund, duke ngushtuar në 25- 22. Kështu skuadrat shkojnë në pushim me një diferencë prej 19 pikësh ( 32- 51). Ndërsa e treta është e njëjta tablo, e periodës së parë ku përsëritet fitorja e thellë e Elbasanit 21- 7. Në periodën e fundit u luajt më shumë për të përcaktuar rezultatin e pikëve, sesa për të menduar përmbysjen, pasi diferenca ishte jashtëzakonisht e madhe dhe ishte e pamundur që Partizani të kthente rezultatin në favor të vet. Dy skuadrat e tjera, Kamza Basket e Apolonia, do të përballen sot në Kamzë, në ora 16: 00, në palestrën sportive të këtij qyteti. Kjo është një palestër moderne, me një investim të fuqishëm të bërë nga Bashkia e Kamzës. Të dyja skuadrat vijnë në këtë takim me nga një fitore dhe një humbje, duke u renditur pas Elbasanit. Pas këtyre ndeshjeve, për shkak të obligimeve të ekipit kombëtar të basketbollit për femrat, kampionati do të ndërpritet. A. Dushku Trajner ELBASANI Trajner GJYQTARËT $
JAVA E TRETË
(31 TETOR - 1 NËNTOR 2017) DJE
Partizani - Elbasani
SOT
Kamza Basket - Apolonia 16:00
58-84