NOTAT E JUVES
BUFON 5.5 - Te goli ka pak peshë "faji", sepse e shtyn gjuajtjen në qendër të zonës dhe Sezar nuk e fal. Më pas, thuajse zero pritje. DE SHILJO 6 - E nis mirë, mbron dhe sulmon dhe nga krahu i tij, Juvja vuan pak, por nuk është ende në 100 për qind. Në të 64ën i lë vendin Kostës (nota 6.5), i cili me shpejtësinë e tij përhap menjëherë panik te Sportingu. BARZALJI 6.5 - Vë eksperiencën në lojë dhe limitoi dëmet deri në momentin e golit të Higuainit. KIELINI 5.5 - Grinta nuk i mungon, por në momentin e golit, Martins e driblon si një birilë. ALEKS SANDRO 4.5 - Më dobët se aq nuk mund të shprehej. Nëse nuk do të ishte për Barzaljin, Martins mund të kishte bërë 2-0. PJANIÇ 5,5 - Fle thuajse gjatë gjithë lojës; pasime të gabuara, arrin gjithmonë vonë te topi, godet keq goditjet standarde. KHEDIRA 5 - I shkon pranë golit me kokë, por vetëm kaq, sepse vuan presingun e rivalëve. Në të 71-ën i lë vendin Matuidit (nota 6), i cili garantoi më shumë muskuj, më kthjelltësi dhe më siguri. KUADRADO 6.5 - Humb shumë topa në pjesën e parë duke kërkuar shpesh qendrën, por në të dytën rikthehet ai që të gjithë njohin dhe ofron atë "ëmbëlsirë" për Higuainin, që nuk e fal. DIBALA 5 - Ka humbur shkëlqimin, magjitë e tij i mungojnë kësaj Juveje. Alegri e kupton dhe në të 82-ën hedh Bernardeskin (pa notë). MANXUKIÇ 5 - Ndëshkohet shumë shpejt dhe kushtëzon lojën e tij.
HIGUAIN 6.5 - Lufton gjithmonë, qoftë edhe i vetëm. Rëndësia e golit kuptohet vetë. Në pjesën e dytë e ka në kokën e tij golin e barazimit, por e shpërdoron nga më pak se një metër. Por pak sekonda më vonë korrigjohet dhe konfirmohet deciziv për Juventusin. Trajneri ALEGRI 5.5 - Mjeshtër i zëvendësimeve, sepse gjithmonë i japin rezultat, por ky Juventus nuk "shkrep" siç duhet në Europë, vazhdon të pësojë gol me vazhdimësi dhe kjo gjë duhet kolauduar sa më parë.