Barazim në Athinë, Proto i ul “qepenin” Mesit

Portieri i grekëve fiton monologun ndaj argjentinasit

Olimpiakosi, i fun dit i Grupit D, priste pa shumë pretendime Barcelonën e Lionel Mesit dhe Luis Suarezit në "Karaiskaki", që gjithmonë di të ofrojë një atmosferë Hallouini për kundërshtarët, por në fund, ai që di të jetë protagonist do të jetë portieri Proto, i cili vendos të ulë "qepenat" e portës së tij dhe të fitojë monologun me "Pleshtin" argjentinas. Në fund të një sfide që pritej pa shumë histori ndodh vetëm një barazim pa gola, vetëm një pikë për skuadrën e trajnuar nga Ernesto Valverde, që ruan gjithsesi kreun e grupit, me 10 pikë, ndërsa grekët mbeten të fundit me 1 pikë dhe do të tentojë të bëjnë përmbysjen e madhe ndaj Sportingut të Lisbonës, në ndeshjen e ardhshme, për të shpresuar vazhdimin e aventurës kontinentale, në Ligën e Europës, edhe pse edhe kjo duket shumë e vështirë.

PROTO MUND MESIN

Barcelona dominon lojën nga sekonda e parë deri në të fundit, por ndoshta mungesat e kuqebluve ndikuan shumë në ritmin e lojës. Përballë një mbrojtjeje aq të mbyllur sa ajo e bardhekuqve, mungoi pikërisht shpejtësia e topit dhe fantazia e Iniestës, por ndoshta edhe ajo e Rakitiçit për të ndihmuar Lionel Mesin, i cili i vetëm nuk mund të bënte asgjë, duke parë se nga ana tjetër edhe Luis Suarez nuk po përjeton periudhën e tij më të mirë. Mes pjesës së parë dhe të dytë, numri 10 i spanjollëve bën gjithçka mundet për të thyer baraspeshën, por në 19 tentativa drejt portës,

pak herë fati dhe shumë herë portieri i Olimpiakosit bëjnë detyrën dhe për t'u dhuruar të zotëve të shtëpisë një barazim që për ta ka shijen e fitores, duke parë se pas tri ndeshjeve të para nuk kishin lënë aspak gjurmë, madje me paraqitjet e tyre "prenë" edhe kokën e Besnik Hasit.