Goditjet mjeshtërore e amnezi, “bomba” në Verona ktheu “Ivanin e tmerrshëm”
Perisiç, mes ulje-ngritjeve, është njeriu-asist i zikaltërve
"Ivani i Tmerrshëm" është fotografia e një Interi të aftë të godasë kundërshtarët, por edhe të përfundojë në amnezi të rrezikshme. Një "predhë" e Ivan Perisiç vlejti megjithatë rekordin e pikëve për Interin e Spaletit pas 11 javësh. U arrit kuota 29 (më mirë edhe se viti i "Tripletës" dhe u mbajt hapi me katër "përbindëshat" e Serisë A). E gjitha falë rikthimit te goli i kroatit, "armës", për të cilën Murinjo do kishte bërë marrëzi për ta marrë në Mançester. Perisiç, në fakt, nuk shënonte prej 10 shtatorit, kur me një të majtë fantastike, fluturimthi mbylli hesapet në sfidën ndaj Krotones. Që nga ajo ditë, "magji" të panumërta në fushë, por edhe pauza të gjata: gati sikur e mendon që rëndësi ka të "zgjohesh" në minutat e fundit, kur vendosen fatet e ndeshjeve.
"I TMERRSHËM" DHE I KOMPLETUAR - Golat këtë sezon flasin edhe për kompaktësinë e këtij atleti "robotik": me kokë, me hedhje në minutën e 79-të kundër Fiorentinës, me të majtën (në të 87-ën) pikërisht me Spalin dhe mbrëmjen e së hënës (minuta e 67-të, disi "herët" për zakonet e tij) "silur" me të djathtën që shoi entuziazmin e Veronës (përveçse për pak sa nuk u hodhi poshtë portën e "Bentegodi"- t), që sapo kishte barazuar me penallti pas pakujdesisë së dyshes D'Ambrozio-Handanoviç. Një rezultat i lindur nga fiksimet e kohëve të fundit për të mos shpërdoruar asnjë aksion. Nëse merren parasysh shpërqendrimet e pjesshme të para në Verona, në disa fraksione (përfshi këtu rastin e 11-metërshit), në raste të tilla mund ta paguash shtrenjtë. Pikërisht në këtë pikë Ivani u rikthye "i Tmerrshmi". Pas goditjes nga këndi të ekzekutuar nga Kandereva e larguar nga mbrojtja, u koordinua në mënyrë të përkryer dhe nga limitet e zonës, për pak nuk e shqeu rrjetën e portës së Nikolasit. Një "shpikje" që vlejti pikërisht rekordin historik. Pa harruar edhe punën e palodhur para dhe pas golit, si "motor" në krahun e majtë, që nuk është kurrë e pakët me një kampion të vërtetë që sapo ka rinovuar prej pak kohësh deri në 2022-shin me zikaltrit për 4,5 milionë euro në sezon. Ndaj Veronës, Ivani kreu shpesh edhe disa ndërhyrje defensive në gjysmëfushën e tij, fryt i dhuntive me të cilat e ka pajisur mëma natyrë dhe të cilat i ka kultivuar vetë duke luajtur volejboll dhe basket, dy sporte që (nëse do kishte dashur) do ishte shquar pa probleme. ÇFARË "ÇIFTI" ME IKARDIN - Duke u kthyer te zikaltrit dhe te futbolli, si dëshmi e sezonit të mahnitshëm të Ivan Perisiçit, është një statistikë e rëndësishme: me 5 asiste (4 nga të cilat për Ikardin), zë vendin e parë të pasimeve-gol në Serinë A, "pasuri", të cilës i duhen shtuar edhe 4 golat e shënuar. Duke llogaritur vitin diellor 2017, asiste janë 12 (7 vetëm për kapiten Ikardin). Spaleti, në verë, e bindi të qëndronte në Milan dhe kroati po e shpaguan në mënyrën më të mirë. Me njeriun-asist të kampionatit dhe një sulmues si Mauro, Interi mund ta bëjë gjumin e qetë.