Bosh: Duhet me çdo kusht fitore
"Jemi gati për këtë përballje, është koha ë t u japim fund kritikave me vepra"
Në momentet e fun dit përpara startit të duelit mes dy ekipeve klasike të futbollit gjerman, tekniku i skuadrës së Borusias së Dortmundit, Peter Bosh, ka folur në konferencën për shtyp lidhur me formën e skuadrës dhe kundërshtarin.
Si e shihni këtë përballje? Jam shumë i emocionuar, pasi do të jetë një sfidë intensive mes vendit të parë dhe atij të dytë. Jemi përgatitur shumë për këtë ndeshje dhe mendoj se jemi gati.
Si është gjendja e skuadrës? Zagadu nuk do të luajë, pasi ka marrë kartonin e kuq në sfidën e mëparshme. Sa i përket Rojsit, ai është ende i dëmtuar dhe s'mund të luajë, të gjithë lojtarët e tjerë do të jenë gati për përballjen.
A e shihni këtë fitore si zgjidhje për krizën e kohëve të fundit në skuadër?
Nëse arrijmë të fitojmë, situata do të jetë shumë herë më e lehtë për ne, por na duhet patjetër fitorja, ndaj do të sulmojmë me çdo kusht. Vetëm me anë të triumfit mund t'u japim fund kritikave.
A mendoni se ka ndryshuar mentaliteti i skuadrës?
Mendoj se e vetmja gjë, e cila ka ndryshuar, janë rezultatet dhe jo mentaliteti. Kundërshtarët tanë e kanë parë mjaft mirë se si e kemi nisur sezonin dhe sa shumë kemi arritur të shënojmë. Mendoj se duhet të shfrytëzojmë të gjitha mundësitë dhe të ngrihemi sërish aty ku na përket.
Cmendoni për formën në rënie të Aubamejangut?
Auba është një sulmues i jashtëzakonshëm dhe e ka vërtetuar këtë për vite me radhë. Megjithatë, do të thosha se është diçka normale për një sulmues që mos shënojë në disa ndeshje. Ilaçi më i mirë për të janë golat, ndaj kur ai të shënojë, çdo gjë do të kthehet në normalitet.
Si është marrëdhënia juaj me lojtarët? Jam i lumtur që jam trajneri i një skuadre të tillë. Kam pasur që prej fillimit marrëdhënie mjaft të mirë me lojtarët dhe vazhdoj të kem. Gjithmonë përpiqemi të bashkëbisedojmë me njëri-tjetrin për çdo problem që kemi, në mënyrë që të krijojmë një lidhje edhe më të fortë.
A mendoni se lojtarët nuk po përshtaten me sistemin tuaj? Lojtarët duhet të arrijnë ta kuptojnë sistemin tim dhe kjo nuk mund të bëhet menjëherë. Ky sistem ka funksionuar edhe në Holandë dhe mendoj se do funksionojë edhe këtu.