KamzaKamza fundosfundos Partizanin,Partizanin, MoxhiMoxhi mban nënë “ajër”“ajër” trajnerintrajnerin IulianoIuliano
Të Të kuqtë kuqtë për për turp, turp, ndërrojnë ndërrojnë rrugë rrugë nga nga frika frika e e tifozëve tifozëve “Guerrils” “Guerrils” shpërthejnë: shpërthejnë: Nuk Nuk na na meritoni, meritoni, jeni jeni një një tufë tufë klounësh! klounësh! Të Të kuqtë k
Kamza dhe Partizani u ndeshen dje për herë të parë në Superiore dhe derbi i ri i kryeqytetit ka folur për kamzalinjtë. Kamza e trajnerit Ramadan Ndreu ka dhuruar një tjetër paraqitje të bukur, duke u konfirmuar si surpriza e Superiores gjatë 9 javëve të fazës së parë. Kamzalinjtë e ardhur nga Kategoria e Parë i dhanë leksion Partizanit, i cili, pas kësaj humbjeje, është zhytur në krizë totale dhe mungesë identiteti. Kamza luan futboll të kujdesshëm dhe, falë lojtarëve me përvojë në Superiore, arrin që t'i lodhë kundërshtarët dhe i godet pikërisht në minutat e fundit, metodë e aplikuar në disa takime. Goli i Ymerit, i ardhur pas një kundërsulmi të shpejtë dhe me kombinime të sakta në minutën 83-të, u ka mjaftuar vendasve për të fituar takimin dhe duke u konsoliduar në vendin e katërt me 15 pikë, po aq sa Flamurtari i vendit të tretë, që sot luan ndaj Kukësit. Partizani vinte në këtë takim me disa mungesa dhe sulmi mbetet anemik dhe rrezikshmëria vinte vetëm nga goditjet standarde. Kamza tregoi shpirt gare, besueshmëri në forcat e saj dhe, në rastin e parë të rrezikshëm, gjunjëzuan "demat". Skuadra e Ndreut e ka mbyllur me sukses fazën e parë, ndërsa të kuqtë mbeten një zhgënjim total, aq sa kanë rritur në maksimum urrejtjen e tifozëve, që e mbështesin ekipin në çdo stadium, përpos rezultateve. Niveli i lojës së këtij derbi ishte i ulët, gjë të cilën e tregojnë edhe gjuajtjet në portë nga dy skuadrat.
PJESA E PARË - Kamza besonte që takimin ta zgjidhte me dy ish- lojtarët e Partizanit, Raçiç dhe Plaku, të cilët në përgjithësi bënë më mirë se sulmuesit e kuq. Për shkak të mungesave të shumta, Bardhi e nisi si titullar në sulm, ndërsa Ibrahimi për herë të parë luajti si mbrojtës i djathtë. Takimi nisi më mirë për të kuqtë, që kërkonin ta gjenin golin sa më shpejt, ndërsa vendësit ishin ngjeshur në fushën e tyre. Trashi dhe Batha provojnë në minutat e para, por pa sukses. Më pas loja përqendrohet në mesfushë, ku ka duele të ashpra dhe rastet te portat respektive mungojnë totalisht. Kamza është e rreshtuar që të mos lërë hapësira kundërshtarit dhe të rrezikojë me kundërsulm. E para funksionoi shumë mirë, mbrojtja ishte solide, ndërsa sulmi mbeti në miniaturë, pasi në asnjë rast nuk e goditën portën e portierit Hoxha. 45 minutat e para u mbyllën në shifrat 0-0, ku nuk munguan edhe ndërprerjet e shpeshta të lojës nga ndërhyrjet e ashpra.
PJESA E DYTË - Edhe pjesa e dytë nis me dëshirën e Partizanit, por në minutën e 50-të nuk ka fatin me vete. Gjuajtja e Bathës nga një goditje standarde ndalet nga shtylla pingule. Kamzalinjtë janë të durueshëm dhe nuk kalojnë në aventurë, ndaj nuk u japin asnjë hapësirë të kuqve, por me markimet e forta dhe ngjeshjen në mesfushë u bëjnë ballë "demave". Raçiç dhe Plaku qëndrojnë larg portës së Hoxhës, pasi misioni primar ishte që të mos pësonin gol. Partizani duket shumë i plogësht dhe loja nuk ka befasinë dhe zhdërvjelltësinë, kështu që vendasit nuk e kanë të vështirë t'i kontrollojnë. Në minutën e 73të, Bardhi i lë vendin Asanit dhe, 6 minuta më pas, në lojë hyn edhe Xhixhiua në vend të Basrak, që nuk dha asgjë në fushë. Në minutën e 83-të, kamzalinjtë thyejnë një aksion të Partizanit dhe me anë të Plakut me shpejtësi nisin një kundërsulm. Kapiteni i reziston ndërhyrjes së Asanit dhe shërben për Rezin, i cili më pas pason për Frashërin, që nga e djathta i afrohet zonës, shërben për Idrizajn. Vlonjati me qetësi shërben për Ymerin në qendër që e dërgon topin në rrjetë. 1-0 për Kamzën. Pas pësimit të golit për të kuqtë hyn në fushë edhe Sulejmani në vend të La Kameras, por asgjë për të ndryshuar. Trajneri Ndreu zëvendësimin e vetëm, Mumajesi në vend të Rezit, e kreu në minutën e parë shtesë. Gjithçka u mbyll me fitoren 1-0 të Kamzës.