Thyhet Tirana, Bylisi i jep leksion

Ditë e zezë për kryeqytetaset, humbet edhe Dinamo. Ze Maria: Ishim zero në fushë

Tirana thyhet pas 598 minutash. Kaq zgjati pathyeshmëria e bardhebluve, të cilët dje pësuan të parën humbje dhe të parin gol në këtë fillimkampionati. Dhe për të rikthyer "zinë" në kryeqytet, mendoi Niko Zisi. Është pikërisht ky emri i mesfushorit të krahut të majtë, i cili dje u dha "leksione" kryesuesve të Grupit B. Nëse kryeqytetasit i...

Besëlidhja do të ndeshet sot në Krujë me Kastriotin kryesues për llogari të javës së shtatë të kampionatit. Lezhjanët shkojnë në transfertën krutane pas dy fitoreve radhazi, gjë që e ngjitën në vend të tretë me vetëm tri pikë larg kreut që është hipotekuar nga krutanët e Kastriotit. Skuadra nuk do të jetë e plotë, pasi ka disa mungesa të rëndësishme titullarësh për shkaqe kartonësh dhe dëmtimesh, si goleadori O.Kamara, Spartak Ajazi, ashtu edhe sulmuesi Kristian Frroku. Trajneri Anteu Pepaj është i detyruar që të nxjerrë në formacionin bazë disa nga futbollistët e stolit, por që, sipas tij, janë kualitativë.

Pepaj

"Gjatë të gjithë javës, Besëlidhja është stërvitur normalisht për të rikuperuar energjitë e shpenzuara në sfidat e fundit dhe jam i kënaqur me formën e skuadrës nga të gjitha pikëpamjet. Drejt Krujës do të udhëtoj me disa mungesa të rëndësishme për shkaqe kartonësh e dëmtimesh, por falë një stoli kualitativ besoj se do mund ta plotësoj formacionin. Duke e ditur që Kastrioti nuk është rastësisht në krye me performancën e shkëlqyer që ka demonstruar nëpër ndeshje, ndaj është një skuadër që duhet vlerësuar maksimalisht. Normalisht që skuadrat kur nisen për ndeshje, fitoren do të kërkojnë dhe për më tepër Besëlidhja që ka edhe objektiva", tha trajneri Pepaj në prononcimin e tij. Preng Gjikola