StarovaStarova rikthehetrikthehet trajner,trajner, jaja prapaskenatprapaskenat tete PartizaniPartizani
Shkarkohet Shkarkohet Iuliano, Iuliano, Moxhi ultimatum ultimatum futbollistëve futbollistëve
Tri fitore, 2 barazime dhe katër humbje është bilanci i aventurës së Mark Iulianos si trajner i Partizanit. Ndeshja me Kamzën ka rezultuar e fundit për italianin, pasi dje ai është shkarkuar nga detyra e trajnerit të "demave të kuq". Pas humbjes me Kazmën, Iuliano nuk pranoi të jepte dorëheqjen, ndonëse e dinte se ai nuk ka të ardhme në krye të Partizanit. Ndaj topin e kaloi te drejtuesit, pasi sipas tij ai bën punën e tij, ndërsa paria e klubit është ajo që vendos për të ardhmen e tij. Pas takimit të djeshëm mes presidentit Gaz Demi, "arkitektit" të Partizanit të këtij sezoni, Luçiano Moxhi dhe drejtuesve të tjerë të klubit është arritur në konkluzionin që Mark Iuliao nuk do të jetë më në drejtim të ekipit. Pas shkarkimit të 44-vjeçarit italian, klubi ka kthyer në apel për të disatën herë Sulejman Starovën, i cili gjithnjë ka rezultuar i gatshëm për të punuar me ekipin edhe në momente krize. Po bëhen tre sezone që ngado që rrotullohet, në fund, drejtuesit e lartë të Partizanit "përplasen" te Starova, të cilit në asnjë rast nuk iu dha mundësia që të punojë për një sezon të plotë, por është si trajner emergjence, në mënyrë që të shpëtojnë sezonin. NJOFTIMI I KLUBIT
Pas humbjes me Kamzën, Luçiano Moxhi deklaroi për "Panorama Sport" se fati i Iulianos do të vendosej nga takimi i mëngjesit të së dielës me presidentin Gaz Demi. Pas takimit të djeshëm të drejtuesve u mor edhe vendimi për largimin e trajnerit Mark Iuliano dhe ndihmësit të tij Aleksandro Dosena. Klubi, përmes një njoftimi zyrtar ka bërë të ditur vendimin e marrë dje nga drejtuesit, si dhe ka lajmëruar që të martën e 7 nëntorit ekipi nis punën nën drejtimin e trajnerit të ri, Sulejman Starova. Ja njoftimi i klubit: "Klubi Partizani komunikon se ka ndërprerë me marrëveshje bashkëpunimin me trajnerin Mark Iuliano dhe zv. trajnerin Aleksandro Dosena. Sulejman Starova do të jetë trajneri i ri në vijim të këtij sezoni futbollistik, duke filluar nga e marta e 7 nëntorit, ditë kur skuadra, në orën 11:30, do të rinisë përgatitjet. Klubi falënderon trajnerët Mark Iuliano dhe Aleksandro Dosena për punën e zhvilluar deri tani në skuadër, duke i uruar njëkohësisht suksese në karrierë".
PRAPASKENA E TRAJNERITTËRI
Në përfundim të analizës së situatës së bërë nga drejtuesit e lartë të Partizanit në mbledhjen
e djeshme u arrit në një vendim unanim për largimin e dyshes italiane, Iuliano-Dosena. Pas këtij vendimi, drejtuesit kanë nisur diskutimet për gjetjen e zëvendësuesit. Burime pranë klubit bëjnë me dije se fillimisht detyra e trajnerit i është afruar Genc Tomorit, por ai e ka refuzuar këtë post, për të vijuar rolin që ka aktualisht në klub. Pas refuzimit të Tomorit, drejtuesit kanë përdorur "asin në mëngë", Sulejman Starova, i cili kthehet për të disatën herë në krye të pankinës së Partizanit. Ndonëse vera ka qenë e nxehtë sa u përket marrëdhënieve mes Starovës dhe drejtuesve italianë, ku nuk kanë munguar edhe replikat dhe akuzat për punën e bërë në merkato, duket se paqja dhe harmoni mbizotëron sërish mes palëve. "Bobi" është pranuar unanimisht nga palët, për vetë faktin se ai e njeh mirë skuadrën dhe kampionatin shqiptar dhe duket si personi më i volitshëm që ekipi të dalë nga bataku ku është zhytur. Pa dyshim në ardhjen e Starovës ka ndikim fjala e presidentit Gaz Demi, i cili gjithnjë e ka konsideruar "Bobin" si këshilltarin më të afërt.