StadiumetStadiumet bosh,bosh, SuperiorjaSuperiorja në krizëkrizë besimibesimi
Gjithnjë e më pak tifozë në ndeshjet ndeshjet e e kampionatit, kampionatit, ja ja si si e e shpjegojnë shpjegojnë ishtrajnerë, ishtrajnerë, ish-drejtues dhe zyrtarë zyrtarë të të lartë lartë të të FSHF-së FSHF-së
Nëse me të drejtë krenohemi se kemi përmirësime të infrastrukturës në disa stadiume, vihet re gjithashtu një fenomen tjetër pavarësisht këtij fakti: Ka gjithmonë e më pak spektatorë në stadiumet e Superiores. Ky është një konstatim i kujtdo që ndjek një apo disa ndeshje të kampionatit. Për të gjetur numrin e saktë të tyre nuk mjafton as që t'u referohesh statistikave të Federatës që bën çudira në llogaritje për të treguar me saktësi numrin e tifozëve në stadiume (referuar statistikave zyrtare ku për ndeshjen Vllaznia- Tirana, e fundit e edicionit të shkuar, ishte përllogaritur numri 10 000 tifozë edhe si spektatorë të Vllaznisë edhe si të Tiranës në shumatoren e përgjithshme për klubet). Kushdo që nuk mjaftohet me realitetin e përjavshëm dhe kërkon të krenohet se kemi me shumicë spektatorë, mjafton të shfletojë librin e statistikave zyrtare të FSHF-së dhe e normalizon tensionin e luhatur nga braktisja masive në stadiumet tona. Gazeta u përpoq që të krijojë një opinion të përgjithshëm, duke marrë mendimin e njerëzve që kanë qenë dhe janë të lidhur me këtë sport. Një prej tyre është Eduard Prodani, ish- Sekretar i Përgjithshëm i FSHFsë apo edhe ish-administrator i Partizanit, klubit që konsiderohet me numrin më të madh të tifozëve në rang kombëtar. Një tjetër si Faruk Sejdini, që i ka jetuar thuajse të gjitha epokat e futbollit, si ish-futbollist në kohën e monizmit, si trajner në fillim vitet '90-të dhe aktualisht si ndjekës dhe pasionant. Gjithashtu, zyrtarin e FSHF-së, Denis Bastarin, që ka një këndvështrim tjetër dhe jep versionin e tij. Fakt është që ky problem sa vjen e po thellohet, por a është çështje besimi apo është çështje e tematikave të tjera që kanë ndikuar? Secili ka një këndvështrim më vete…