Bindet Idrizi: Kjo është skuadra ime, më emocionon
Administratori i Flamurtarit: Tani na duhet një klub kampion
Ecuria pozitive e Flamurtarit në ndeshjet e fundit duket se ka shtuar oreksin e drejtuesve edhe për objektivat. Administratori Sinan Idrizi, në një prononcim për "Panorama Sport", deklaroi se ky është ekipi më i mirë gjatë gjithë kohës që ai ka drejtuar. Idrizi është i bindur për një sezon sa më të mirë, por së pari thekson se dëshiron që të shpallet kampion klubi dhe pastaj të mendohet për ekipin. "Ky ekip po ecën shumë mirë dhe është një skuadër që mua më krijon emocione. Do të kemi një sezon të mirë dhe me surpriza të bukura. Me fillimin e 'Vlora Sport', Flamurtari do të jetë diçka tjetër. Në momentin që do të privatizohet do të ndryshojë 100%. Ky Flamurtar nuk do të jetë më një ekip, por do të jetë një klub. Unë e kam thënë shpesh që nuk duhet të ndërtojë një ekip kampion, por ne duhet të jemi një klub kampion. I përgëzoj këta djem për shpirtin e garës që po japin në fushë dhe për respektimin e fanellës", u shpreh Idrizi, i cili i ka qëndruar skuadrës pranë gjatë javëve të fundit.
DËNIMI - Administratori
i
vlonjatëve ka komentuar edhe njëherë dënimin e fushës, gjykimin e deri tek anulimi i golit në ndeshjen ndaj Kukësit. "Nuk replikoj për çështjen e arbitrit nëse ishte ose jo gol. E gjykojnë specialistët, unë respektoj çdo vendim të gjyqtarëve.
Pas ndeshjes patëm një reagim ndaj arbitrave një situatë më shumë se e acaruar dhe mund të kishte pasoja të rënda. Nëse ne kemi bërë një protestë civile ka arritur kulmi në këtë vend kur dënohemi kështu dhe më e bukura, as na sollën shkresën e dënimit. Në fushat e qyteteve të tjera ku janë vrarë dhe janë plagosur lojtarë e arbitra, nuk ka pasur asnjë masë", u shpreh Idrizi. Administratori i Flamurtarit shprehet i lumtur nëse Bashkim Fino do të kandidojë për postin e pres- identit të FSHF- së. "Me Finon kam njohje të vjetër kur ai ishte kryetar i Bashkisë Gjirokastrës. Nëse Fino është kandidaturë për kreun e FSHF- së, unë do të jem shumë i lumtur. Do të ketë zhvillime para marsit", përfundoi Idrizi. Ermal Sika